Sápmi |

Nuoraidráđđi almmustahttá ođđa mobiilaspealu ja giktala dainna nuoraid oahppat sámekultuvrras

Nuvttá Sukellus saamelaiskulttuuriin -speallu veahkeha studeanttaid miehtá Suoma oahppat sápmelašvuođas.

Saamelaiskäräjien nuorisoneuvosto julkaisee yhdessä Nuorten akatemian kanssa uuden mobiilipelin, jonka tarkoitus on lisätä tietoisuutta saamelaisuudesta.
Sukellus saamelaiskulttuuriin -speallu lea dárkkuhuvvon badjeskuvlla lassin nuppi dási studeanttaide. Govva: Kuvakaappaus pelistä.

Ođđa, nuoraide dárkkuhuvvon mobiilaspeallu almmostahttojuvvo justa ovdal Sámiid álbmotbeaivve 6.2. Sukellus saamelaiskulttuuriin -speallu lea dárkkuhuvvon buot Suoma badjeskuvllaid lassin nuppi dási studeanttaide.

Spealuin geahččalit lasihit diđolašvuođa sámekultuvrras sierra perspektiivvaid bokte.

Speallu veahkeha studeanttaid miehtá Suoma oahppat sápmelašvuođas ja sámekultuvrras. Speallu gieđahallá earret eará sámiid historjjá, gávtti ja árbevirolaš ealáhusaid, muitala nuoraidráđđi dieđáhusastis.

– Spealu plánemii leat váldán fárrui sámenuoraid ovdamearkka dihte bargobájiid hámis. Nuorat leat váikkuhan spealu metodaid válljemii ja maiddái spealu temáide ja fáttáide, muitala Sámedikki sadjásaš nuoraidčálli Elli-Marja Hetta.

– Speallu almmustahttojuvvo vuohkkasit ovdal Sámiid álbmotbeaivve 6.2. ja dat lea buorre vuohki oahpásmit ja vuodjut sámekultuvrii ovttas prošeavtta eará materiálaiguin.

Mobiilaspealu ulbmilin lea movttiidahttit bajásgeassiid, oahpaheaddjiid ja hárjeheaddjiid oahpahit mánáide ja nuoraide sápmelaččaid ja sámekultuvrra birra. Speallu sisttisdoallá vuođđodieđuid sápmelaččain ja das leat mielde maiddái hárjehusat.

Nuvttá spealu sáhttá diŋgot Nuoraid Akademiija neahttasiidduin https://www.nuortenakatemia.fi/opettajalle/.

Sámediggi lea buvttadan maiddái sámegielat mobiilaspealuid

Sámedikki vuollái skuvlaahkásaččaid mánáidmateriálaprošeakta nogai jagi 2019 loahpas. Prošeavttas buvttadedje moadde mobiilaspealu, guokte digigirjji, sámegiela kartoŋŋabustávaid ja boazolávdespealu.

Sámegielat mobiilaspealuiguin háliidit riggudahttit mánáid sátneráju ja máinnastandáidduid. Ovdamearkka dihte Sámedikki vuollái skuvlaahkásaččaid mánáidmateriálaprošeavtta mobiilaspeallu "Karhu ja kettu" sáhttá dál luđet Google Play -gávppis. Mobiilaspeallu lea olggosaddon golmma sámegillii: anáraš-, nuortalaš- ja davvisámegillii.

Varrasamosat: Sápmi

Váldoođđasat

Varrasamosat

Muualla Yle.fi:ssä