Sää´mjânnam |

Nuõrr vueʹbbež pueʹtte kaaʹnivuiʹm Heʹlssnest Sääʹmjânnma ǩieʹsstuâjaid – âʹǩǩâʹšše päʹrnntaaurõõžžid da määđaid

Nuõrr vueʹbbež, 18-ekksaž Elli Sääskilahti da 15-ekksaž Inka Sääskilahti åʹcce “õʹhttešt jieʹllmest” -ǩiõččlâsttmõõžž Sääʹmjânnmest. Suäna ääʹvee ǩieʹssmannu ääiǥas kääʹnnkaaʹffpõõrt Aanra.

Video: Elli ja Inka Sääskilahti esittelevät kanaa.
Täʹst vuäitak ǩiõččâd, ǥu Elli da Inka Sääskilahti čuäjtâʹlle suännai kaaʹnid da kääʹnnčiiuǥid. Video: Anja Kaarret / Yle

Vueʹbbež, 18-ekksaž Elli Sääskilahti da 15-ekksaž Inka Sääskilahti, pueʹtte Heʹlssen rääʹjest Sääʹmjânnma ääʹveed kääʹnnkaaʹffpõõrt. Nuõrin lij čiõlgg tuâjj-juâkk: Elli lij kaaʹffpõrttvaʹstteei da Inka lij kääʹnnvaʹstteei.

– Hoʹhssjim, što mäʹhtt leʹčči ǩieʹsskaaʹffpõrtt da ǥu meeʹst lie kääʹn, nuʹt täʹst šõõddi kääʹnnkaaʹffpõrtt, maainast Elli Sääskilahti.

Suännai eeʹjj peäʹl äʹjj da äkk jälste Saujj-Sääʹmjânnmest. Tõn diõtt Sääʹmjânnam lij suännaid toobdâs päiʹǩǩ, sij jieʹlle piârrjin juõʹǩǩ eeʹjj tâʹvven. Tääiʹben sij luâđast joʹtte da vuejju võnnsin.

Ǥu Sääskilahti vueʹbbež plaanee tän kääʹnnkaaʹffpõõrt, suännast feʹrttji välʹdded lokku jiânnai jeeʹresnallšem aaʹššid. Ouddmiârkkân puk lååʹppaaʹššid feʹrttji täʹrǩsted da suännast õõlǥi väʹldded mieʹldd jeeʹresnallšem leeʹttid, što ij taarbšam tääiʹben Aanrest tõid ooccâd. Jieʹllʼji jååʹđtummuž da jiõčč jiõggsaž valmštõõttmõõžž feʹrttji muʹštted še.

Nuõr âʹǩǩâʹšše kuuitâǥ siõmmna Heʹlssna mååust. Tok kuâđđji pieʹll piârrjest: jeäʹnn, uʹccvuäʹbb da uʹccvillj. Naʹzvaanid, päʹrnntaaurõõžžid da määđaid lij še âʹǩǩed.

– Mäʹhtt mon raʹsǩǩääm kaaʹnid puʹhtted tiiʹǩ? Ǥu tõk siõmmna rappu määdd, nuʹt ij ni mii kaunnu. Heʹlssnest lie nuʹt jiânnai määđ da tääiʹben jeäʹla ǥu måtam teârmmazteeʹǩǩ, Inka Sääskilahti smeâtt.

Inka Sääskilahti esittelee tipuja.
Inka Sääskilahti čuâjtõõll kääʹnnčiuǥǥin. Govva: Janica Gauriloff / Yle

Vuâsttavälddmõš lij leämmaž pueʹrr.

– Pukin pueʹrmõs lij, ǥu mon vuäinam, mäʹhtt oummu räʹǩste kääʹnnčiiuǥid njaukkâd. Što vuäǯǯap pukid šiõǥǥ miõl, Inka Sääskilahti särnn.

Sääskilahti vueʹbbež pueʹtte tiiʹǩ jurddjin, što tät lij suännaid luämm. Sääʹmjânnam äʹššniiʹǩǩi mieʹrr da tuâjjmieʹrr leʹjje õlltõs nuõrr ǩieʹsstuâjjlaid. Måtam vuâra lij leämmaž ââlda, što njääʹljes kaakku da porrmõõžž poʹtte. Elli saaʹni mieʹldd tõʹst šõõddi pååʹhmest tuâjj.

– Muännai jurdded, što ij tâma täiʹben leäkku ni voops äʹššla, što måtam jieʹlli peiʹvest. Da muäna vuäǯǯâp lookkâd, hoiʹddjed kääʹnin da ǩiâvvi siõmmna luâđast jååʹtted. Leâša ij-ba täʹst ǩiõggned, Elli Sääskilahti ruâkksed.

Täʹst vuäitak kuvddled, mâiʹd Elli da Inka Sääskilahti särnna. Jietna: Janica Gauriloff / Yle

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä