Sää´mjânnam |

Nuõrttsääʹmǩiõll kollai juõʹǩǩ peiʹvv radiost, kuâsttai teʹlvisiast da lij obb äiʹǧǧ interneettâst

Puk Yle Sääʹmm oođâssiiskõõzz lie kuullâm- da vueinnemnalla še Yle Areenast.

Koltansaamenkielinen toimittaja Erkki Gauriloff
Tuåimteei Erkki Gaurilooff jiõnn lij tobddâz Yle Sääʹmm Tiõrv-vuõlttõõzzin. Govva: Vesa Toppari / Yle

Yle Sääʹmm vuõlttõõzzin kollje puk sääʹmǩiõl juõʹǩǩ peiʹvv, še aanrõš- da nuõrttsääʹmǩiõl.

Tarjjõõzz kaunnai pukid. Lie saaǥǥstõõllmõõžž, studiokueʹss, ođđâz da še šluuzv. Päärnaid da nuõrid lie saaǥǥ, nuʹt radiost da še teʹlvisiast še. Da puk käunn'je veâl interneettâst. Täʹbbjaž peeiʹv saaǥǥi lââʹzzen puätt kuullâd tuâlljõž mainnsid Jieʹlli Arkiivast.

Tarjjõs päärnaid

Binna Bánná lij päärnaid jurddum radiovuõlttõs, koollškuõʹđi eeʹjjest 2002.

Teʹlvisiâst ođđ Unná Junná vueʹzz vuäinškueʹtte tälvvmannu lââʹǩǩrääʹjest. Ââʹn puätt še tobddstõõttâd Binnâ bánnaš puõccu, mii maainâst aanrõš-, nuõrttsääʹm- da tâʹvvsääʹmǩiõl.

Tarjjõõzz päärnaid kaaunâk tääiʹben.

Jieʹlli arkiivâst käunnai tuâlljõž mainnâz

Nuõrttsääʹmǩiõllsaž vuä´mm arkiivmainnâz kaaunâk Jieʹlli arkiiv seeiʹdin. Areena seeiʹdâst kaaunak joʹba 1970-lååǥǥast vuämm arkiivmainnâz säʹmmlai jieʹllmest. Tuåimteejen täin vuõlttõõzzin lie leämmaž Elli Rantala.

Mââibaarǥ da nelljdpeeiʹv Tiõrv-vuõlttõõzz tuåimtet nuõrttsäämas

Juõʹǩǩ mââibaarǥ da nelljdpeeiʹv Tiõrv-vuõlttõõzzin kuulâk õinn nuõrttsääʹmǩiõllsaž tuåimteei. Vuõlttõõzz saaǥǥ da kueʹss pueʹtte leeʹd håʹt mõõn ǩiõlin. Jõnnsab vueʹss vuõlttõõzz saaǥǥin õlmstâʹtted Areenast.

Tiõrv-vuõlttõõzi mainnâz kaaunâk nuʹt “Anarâš saavah”, “Nuõrttsäämas" da “Beaivvi sagat" seeiʹdin. Obb Tiõrv-vuõlttõs lij Areenast obb mäännpââʹj.

Sohkaršohkka piij faart neäʹttel-looʹpp alttummša

Sohkaršohkka, leʹbe nuõrttsäämas Säähharšokk nuõri radiovuõlttõõzz kuulâk juõʹǩǩ nelljdpeeiʹv jeäʹǩǩää. Tuåimteei Xia Torikka, Jon-Erik Näkkäläjärvi da Linda Tammela saaǥǥstâʹlle võrrsummuž teemai pirr da soittje oođummuž sääʹmmusiikk.

Yle Ođđâz juõʹǩǩ arggpeeiʹv koolmin sääʹmǩiõlin

Tän ǩiiđ Yle Ođđsid mušttlet koolmin sääʹmǩiõlin. Peeiʹv vuõlttõs puätt Yle TV1 čiâss 16:45 da nelljdpeeiʹvin juʹn čiâss 15:45.

Yle Ođđâz lie õõut mäännpââʹj vueinnemnalla Yle Areenast. Ǩeâčč tän liiŋkâst Yle Ođđsid da jeärraz oođasvideoid.

Yleisradion koltansaamenkielinen toimittaja Sara Wesslin
Nuõrttsäämas Yle Ođđsid mušttal Sara Wesslin. Govva: Vesa Toppari / Yle

Neettâst õlmstâʹttet obb ääiʹj ođđ ǩeeʹrjtum mainnâz

Yle Sääʹm pohtt obb ääiʹj kolmm sääʹmǩiõlin da lääʹddǩiõlin nett-ođđsid. Tääiʹben kaaunâk võrrsummuš ođđâz.

Nuõrttsääʹmǩiõllsaž siiskkõõzz da puk artikkal kaaunak nett-seeiʹdi Sääʹmjânnam-sääʹn vueʹlnn.

Ođđâz aanrõšǩiõʹlle käunnʼje Säämi-sääʹn vueʹlnn.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä