Sápmi |

Nuppi máilmmisoađi bázahusat Anáris oassin mátkeealáhusa?

Mannan vahkus rogge nuppi máilmmisoađi áigásaš duiskalaš soahtebuohcceviesu bázahusaid Anára girkosiidda lahkosis. Bázahusat leat olu ja ovdan bođiige jurdda geavahit daid ávkin turismmas. Anára gieldda ealáhus- ja ovddidanfitnodat Nordica ovddidankoordináhtor Marja Männistö avžžuha vuolgit dasa mielde.

Gohpa mii gávdnui Anára soahtebuohcceviesu arkeologalaš roggamiin borgemánus 2016.
Govva: Pirita Näkkäläjärvi / Yle

Mannan vahkus Anára girkosiidda lahkosis lágiduvvui vahku bisti almmolaš arkeologalaš roggan, mas rogge nuppi máilmmisoađi áigásaš duiskalaččaid soahtebuohcceviesu bázahusaid.

Roggamiin dahke olu gávdnosiid ja bearjadaga loahppasemináras bođii ovdan jurdda, ahte bázahusaid sáhtášii geavahit ávkin turismmas.

Buorre go báikkálaččat besset ávkkástallat 

Anára gieldda ealáhus- ja ovddidanfitnodat Nordica ovddidankoordináhtor Marja Männistö avžžuha vuolgit mielde soahtebázahusaid ávkkastallamii turismmas.

Marja Männistö
Govva: Yle

– Mun lean dan mielas, ahte buot ođđa áššit leat buorrin eandalii go báikkálaččat besset dan ávkkástallat. Ja go leat ovttas mielde ja ovddideame, nu gal mun ávžžuhan vuolgit dasa mielde, muitala Männistö.

Männistö lea iešge ožžon máhcahaga das, ahte manin ovdamearkka dihte boares fáŋgaleairabáikkiid eai leat ávkkástallan mátkeealáhusas. Son smiehtada, ahte sivvan sáhttá leahkit beroštumi vátnivuohta ja dat, ahte báikkiid leat válljen guođđit ráffái, go soađis lea gollan nu oanehis áigi.

Turisttat ieš roggat?

Luondu lea dat váldoášši, mii geasuha turisttaid Anárii, muhto Männistö mielde nuppi máilmmisoađi soahtebázahusaid oažžu miellagiddevažžan rivtteslágan vuovdalemiin. Sus leat golbma evttohusa bázáhusaid vuovdaleapmái.

– Sávvamis gávdnojit dakkár fitnodatdoallit, geat leat beroštuvvan ovddidit buktagiid. Jus eai leat fitnodatdoallit, de dain ii boađe de gávppálaš diŋga, muhto dušše geahčadangálvu, loahpaha Männistö.

Varrasamosat: Sápmi

Váldoođđasat

Varrasamosat

Muualla Yle.fi:ssä