Sápmi |

Ođđa gákti boares lássaliinniin? – Duojár háliida geavahit ođđasit materiálaid duddjomis

Duojára mielde ekologalašvuođa atnet árvvus, go smiehtada ođđa gávtti goarruma.

Kirsten A.G.Eira ompeli saamen puvun vanhoista verhoista.
Guovdageaidnulaš duojár Kirsten A. G. Eira lea movttáskan geavahit ođđasit boares materiálaid dujiin. Govva: Sara Wesslin / Yle

Duojár Kirsten A. G. Eira čájeha ođđasamos duoji, man lea gorron. Girjás ja ivdnás spábbagággásis gorrojuvvon gákti šattai oambeali boares lássaliinniin.

– Dán lássaliinni lei somá goarrut gáktin. Materiála lea vehá stiivvis, muhto áibbas bures das sáhttá goarrut gávtti. Nubbi gákti fas lea gorrojuvvon njeallje panelalássaliinnis. Ferte beare sihkkarastit, ahte materiála lea doarvái, mojohallá Eira.

Ođđasit geavaheapmi ja ekologalašvuohta lea máilmmiviidosaš sáhka, masa háliidit maiddái Sámi duojis giddet fuomášumi.

– Dál lea dat retro mas hállet, dan lean vuohttán dáppe Norgga bealde. Olbmot geavahit ođđasit boares ávdnasiid, muitala Eira.

Jietna: Maid galgá váldit vuhtii, go smiehtada ođđa gávtti vaikkobat boares lássaliinniin? Guldal Kirsten A. G. Eira olles jearahallama Yle Areenas.

Ođđasit geavaheapmi vuhtto dál vuos eanet ságastallamiin, go diŋgojumiin

Duojárin son jáhkka, ahte son šaddá ain duddjot ja goarrut ođđa ávdnasiin, nugo ovdalge. Olbmot eai leat vel nu olu diŋgon sus gávttiid, mat leat gorrojuvvon geavahuvvon materiálain

Kirsten A.G.Eira ompeli saamen puvun vanhoista verhoista.
Gávttiid goarruma lassin Eira lea goarron boares čuvllas juoidá ođđa. Govva: Sara Wesslin / Yle

Son goittotge ávžžuha sápmelaččaid maiddái smiehtadit luonddu árvvuid.

– Lea buorre, ahte geahččalit dahkat juoidá, mii gáhtte luonddu. Mii diehtit buohkat, man olu biktasat ja eará diŋggat bálkestuvvojit ruskaidde, eaige boađe ávkin masage.

Varrasamosat: Sápmi

Váldoođđasat

Varrasamosat

Muualla Yle.fi:ssä