Sápmi |

Ođđa meahciráđđehuslága geahččalit gomihit álbmotálgagiin

Meahciráđđehuslága geahččalit gomihit dál álbmotálgagiin. Moatti beaivvis álbmotálgagii leat čoggon jo badjel 7000 nama. Jos álgagii čoggojit 50 000 nama, de riikabeaivvit ferte gieđahallat ášši.

Kansalaisaloite.fi-sivuston otsikkopalkki.
Govva: Yle

Ođđa meahciráđđehuslága geahččalit gomihit álbmotálgagiin.

Vuossárgga johtui biddjon álbmotálgga lei gaskavahkko gaskabeai rádjái čoaggán jo badjel 7000 nama. Álbmotálgga geahččala oažžut meahciráđđehuslága álbmotjienastussii ja ná gomihit lága. Jus álbmotálgagii čoggojit golggotmánu rádjái 50 000 nama, de riikabeaivvit fertejit gieđahallat álgaga.

Álbmotálgaga ja nammačoaggima lea bidjan johtui doaimmaheaddji Saana Katila. Katila lea maiddái Pysäytetään metsähallituslaki -adreassa vuođđudeaddji. Pysäytetään metsähallituslaki- adreassa čokkii golmma vahkus 130 000 nama meahciráđđehuslága vuostá.

Dásseválddi presideanta Sauli Niinistö nannii ođđa meahciráđđehuslága mannan bearjadaga ja láhka boahtá fápmui dán vahku bearjadaga 15.4.2016.

Varrasamosat: Sápmi

Váldoođđasat

Varrasamosat

Muualla Yle.fi:ssä