Sápmi |

Ođđa ráđđehusprográmmas sámeáššit – ILO-soahpamuša ratifiserema čielggadit ja fuomášupmi giellaáššiide

Ođđa ráđđehusprográmma lea almmustahttojuvvon.

Hallitusinfossa vasemmalta Pekka Haavisto, Juha Sipilä, Antti Rinne, Li Andersson ja Anna-Maja Henriksson.
Ráđđehusinfos gurut bealde Pekka Haavisto, Juha Sipilä, Antti Rinne, Li Andersson ja Anna-Maja Henriksson. Govva: Pekka Tynell / Yle

Suoma ráđđehusprográmma lea almmustahtton otne. Ođđa ráđđehusprográmmas leat máinnašuvvon sámeáššit máŋgga sajis.

Ráđđehusprográmmas máinnašuvvo, ahte ráđđehus gudnejahttá ja ovddida buot sápmelaččaid ja sápmelaš joavkkuid gielalaš ja kultuvrralaš rivttiid ollašuvvama ja váldá vuhtii riikkaidgaskasaš soahpamušaid. Oassin dán barggu ráđđehus čielggada ILO 169 -soahpamuša ratifiserema eavttuid. Ráđđehus áigu joatkit barggu sámediggelága ođasmahttima olis, ja maiddái duohtavuođa- ja soabadankommišuvnna bargu joatkašuvvá. Boahttevaš sámediggeválggaid áigedávvalii laktáseaddji gažaldaga ráđđehus áigu čielggadišgoahtit johtilis áigetávvaliin.

Ođđa ráđđehus áigu ođasmahttit maiddái giellastrategiija ja dat álggaha giellapolitihkalaš prográmma, mas váldet vuhtii eandalitge sámegielaid, románagiela, gárjilgiela ja seavvingiela.

Ráđđehus áigu maiddái nannet doarjaga giellabesiide nu, ahte dat vástida lassánan dárbbuid.

Ráđđehusprográmma namma lea Oassálasti ja máhtti Suopma – sosiálalaččat, ekonomalaččat ja ekologalaččat bistevaš servodat. Ráđđehusprográmmas leat badjelaš 160 siiddu. Olles ráđđehusprográmma gávdno dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä