Sápmi |

Ođđa ráđđehussii 19 ministara

Ministariid namat eai leat vel almmustahtton, muhto Yle dieđuid mielde Ruoŧŧelaš álbmotbellodaga ságadoalli Anna-Maja Henriksson livččii ođđa riekteministtar.

Oodi Pekka Haavisto Juha Sipilä Antti Rinne Li Andersson Anna-Maja Henriksson
Govas Pekka Haavisto, Juha Sipilä, Antti Rinne, Li Andersson ja Anna-Maja Henriksson ođđa ráđđehusprográmma almmustahttindilálašvuođas. Govva: Pekka Tynell / Yle

Ođđa ráđđehusprográmma lea almmustahtton odne iđitbeaivve Helssegis Oodi-girjerájus. Suoma boahttevaš ráđđehusas leat 19 ministara. Ná báikkit leat juohkašuvvan:

  • Sosiálademokráhtain 7 ministara: oaiveministtar, eurohpáministtar, gielda- ja oamastanstivrenministtar (su. omistajaohjausministeri), ovddidanovttasbargo- ja olgoriikkagávpeministtar, bearaš- ja vuođđobálvalusministtar, johtolatministtar sihke bargoministtar.
  • Guovddášbellodagas 5 ministara: stáhtaruhtaministtar, dieđa- ja kulturministtar, ealáhusministtar, bealuštanministtar ja eana- ja meahccedoalloministtar.
  • Ruonáin 3 ministara: olgoministtar, biras- ja dálkkádatministtar ja sisáššiidministtar.
  • Gurutlihtus 2 ministara: oahpahusministtar ja sosiála- ja dearvvašvuođaministtar.
  • Ruoŧŧelaš álbmotbellodagas 2 ministara: riekteministtar ja davviriikalaš ovttasbarggu ja dásseárvvu ministtar.

Ministariid namat eai leat vel almmustahtton, muhto Yle dieđuid mielde ođđa riekteministtar lea Ruoŧŧeláš álbmotbellodaga ságadoalli Anna-Maja Henriksson, ja davviriikalaš ovttasbarggu ja dásseárvvu ministtarin fas boahtá riikkabeaiáirras Thomas Blomqvist.

Varrasamosat: Sápmi

Váldoođđasat

Varrasamosat

Muualla Yle.fi:ssä