Sápmi |

Ođđa sámegielat spealut davvi-, julev- ja máttasámegillii – spealuid sáhttá maid ieš čálihit

Sámi lohkanguovddáš lea ráhkadan ođđa spealuid giellariggodaga ja didolašvuođa ovddideapmái.

Saamenkielisiä pelejä verkossa
Máŋggaid sámegielat spealuid sáhttá maid čálihit ruovttus iežas čálániin. Govva: Maiju Saijets/Yle

Sámi allaskuvlla vuollásaš Sámi lohkanguovddáš lea almmuhan ođđa davvi-, julev- ja máttasámegielat spealuid. Nuvttá spealut leat gávdnomis neahtas dahje daid sáhttá maiddái diŋgot šleađgaboasttain.

– Spealuid sáhttá diŋgot nuvttá maiddái Supmii ja Ruŧŧii, dadjá Lisa Baal Sámi lohkanguovddážis.

Ođđa spealuid siste leat Mu vuosttaš lotto, Riibmalotto, Goallossánit, Njelješkoarttat ja Govvagoarttat. Govvagoarttaid dahjege ságastallangoarttaid ulbmilin lea, ahte mánná galgá daid bardit rivttes ortnega mielde.

Baal muitala, ahte dál spealuid leat deaddilahttán davvisámegillii sullii 1000 stuhka guđege spealus ja sullii 200 stuhka julev- ja lullisámegillii. Spealuid sáhttá maid čálihit ruovttus iežas čálániin.

Eará sámegielat spealuid ja áppáid gávdná ovdamearkka dihte Ovttas-neahttasiiddus. Maiddái Mii-searvvi neahttasiidduin gávdno listu, masa filmmat sihke musihkka.

Varrasamosat: Sápmi

Váldoođđasat

Varrasamosat

Muualla Yle.fi:ssä