Sápmi |

Ođđa šealgádeaddji mála bissu bohccuid čorvviin buorebut go šleđggon-spray

Suomas jápmet biilabárttiin joba 4 500 bohcco jahkasaččat. Eanemus bárttit dáhpáhuvvet dál, jagi seavdnjadamos áigge. Roavvenjárgga guovllu bálgosiin geahččalit dán čavčča, sáhttetgo šealgádeaddji čorvviiguin eastadit biilabárttiid.

Video: oddasat 29.10.2014

Bálgosiid ovttastus geahččala dán čavčča Roavvenjárgga guovllu bálgosiin bohccuid čorvviide oaivvilduvvon šleđggonávdnasa.

Suomas málejedje bohccuid čorvviid šleđggonávdnasiin vuosttas háve mannan giđa. Dalle geahččaluvvon sprayávnnas ii goittoge bisson čorvviin doarvái bures. Dál leat ožžon ruoŧŧelaš Albedo100-fitnodagas buoret ávdnasa, mii málejuvvo čorvviide pensseliin.

Boazobárttit leat stuorra váttisvuohta Suomas

Biillaid ja bohccuid bártideamit leat stuorra váttisvuohta Suomas. Geaidnolihkohisvuođain jápmet joba 4 500 bohcco jagis.

Dan dihte leatge badjeolbmot leamaš movtta dán geahččaleapmái. Poikajärvi bálgosa badjeolbmot leat dán čavčča bgálusain málen šleđggonávdnasiin sulaid 100 bohcco čorvviid.

Boazoisit lea gearggus geahččalit ođđa vugiid eastadit biilabárttiid.

– Min bálggus manaha juohke jagi sulaid 300 bohcco biilabárttiin. Mii sávvat šleđggonávdnasa veahkehit dán váttisvuođas, muitala boazoisit Veikko Heiskari.

Bálgosiid ovttastus čoaggá máhcahaga geahččaleamis

Maiddái Bálgosiid ovttastus leamaš duđavaš geahččaleapmái.

– Jearaldat lea dan veardde stuorra áššis, ahte mii fertet geahččalit ođđa vugiid čoavdit dan. Mii leat duđavaččat, go badjeolbmot leamaš nu movtta dán geahččaleapmái, giitala doaimmajođiheaddji Anne Ollila.

Bálgosiid ovttastus čoaggá sihke badjeolbmuin ja biilavuoddjiin máhcahaga geahččaleamis ođđajagimánu rádjai.

Varrasamosat: Sápmi

Váldoođđasat

Varrasamosat

Muualla Yle.fi:ssä