Sápmi |

Oahpaheaddji: Sámegiela oahpahusa Roavvenjárggas sáhtášii ain lasihit

Sámegiela oahpahusge beasai johtui Roavvenjárggas, vehá maŋŋelis go čavčča eará oahpahus.

Guldal Karoliina Harvala jearahallama Dearvva-sáddagis bearjadaga 24.8.2018. Govva: Aarni Harvala. Jietna: Yle Areena

Roavvenjárgga gávpoga skuvlenlávdegoddi mearridii duorastaga, ahte gávpot ordne sámegiela oahppiide fievrredeami sámegiela diimmuide dán lohkanjagi 2018 - 2019, muitala doaibmasuorggijođiheaddji Antti Lassila Roavvenjárgga gávpogis.

Fievrredandárbu boahtá das go gávpoga máŋgga skuvllas lea dušše okta dahje guokte máná, geat leat válljen lohkat sámegiela. Dain oahpahusjoavku livččii menddo unni.

Roavvenjárggas almmuhedje dán lohkanjahkái 65 vuođđoskuvlamáná sámegiela oahpahussii. Sis 56 leat almmuhuvvon davvisámegiela oahpahussii, loahpat anáraš- ja nuortalašgiela oahpahussii.

Mánát leat 18 sierra skuvllas dán viiddis gávpogis. Gávpot lea várren 6200 euro lohkanjahkái 2018 - 2019 oahppiid fievrredallama ja ná lagašoahpahusjoavkkuid čohkkema várás.

Oahpaheaddji ja prošeaktabargi jáhkká sámegiela oahpahusa lassánit Roavvenjárggas

Gáiddusoahpahussii maiddái lea dárbu go áibbas buot skuvllain, mat leat guhkin eret gávpotguovddážis eai ordne sáhtuid sámegiela diimmuide gávpogii. Anáraš- ja nuortalašgiela diimmuid gávpot ordne gáiddusoahpahussan.

Prošeaktabargi ja diibmooahpaheaddji Karoliina Harvala mielas čakčalohkanbadji lea dál duođabeales álgán buriin movttain.

– Go Roavvenjárggas ásset sullii 500 skuvlaahkásaš sámemáná de sámegiela oahpahusasge sáhtášedje boahttevuođas leat ain eanet mánát go maid dál leat, oaivvilda Karoliina Harvala.

Varrasamosat: Sápmi

Váldoođđasat

Varrasamosat

Muualla Yle.fi:ssä