Sápmi |

Oanehaččat: Deanu diimmá luossasálaš statistihkkahistorjjá unnimus, Lauri Jäntti -bálkkašupmi Haatajai, Ruošša soaitá eastit Barents Observera, muhtton registtargalbbas sáhkkohallá, nuoraidkonsearta Anáris

Dá leat duorastaga oanehis ođđasat.

Lohi.
Govva: Minna Aula / Yle

Deanu mannan geasi luossasálaš lea statistihkkahistorjjá unnimus

Deanu čázádagas godde mannan geasi unnán luosaid. Ná unnán luosaid eai leat goddán olles dan áiggis goas leat čoaggán dieđuid goddon guliin.

Vuosttas geardde 15 jahkái Norgga bealde godde eanet luosaid, (28,2 duhát kilo) go Suoma bealde (21,7 duhát kilo) čállá luondduriggodatguovddáš. Eanemus mannan geasi godde namalassii dittiid. Luondduriggodatguovddáža mielde sivvan lea ođđa deanusoahpamuša guolástanráddjehusat.

Divvojuvvon 1.2.2019: Ovdal muitaleimme, ahte vuosttaš geardde historjjás Norgga luossasálaš lei stuorát go Suomas. Divvojuvvon diehtu ahte diibmá vuosttaš geardde 15 jahkái Norgga bealde godde eanet luosaid go Suoma bealde.

Haatajai Lauri Jäntti -bálkkašupmi girjjis Pohjoinen

Girječálli Antti Haataja lea ožžon Lauri Jäntti -diehtogirjjálašvuođabálkkašumi girjjiin Pohjoinen. Jälkemme maailman laidalla.

Lauri Jänttä -vuođđudusa neahttasiidduin muitalit Pohjoinen girjji leat duođalaš govvádus sámi luonddus ja dan lohket doalvut lohkki davimus Supmii ja Jiekŋameara gáttiide.

Antti Haataja vastaanotti Lauri Jäntin tietokirjapalkinnon keskiviikkona 30.1.2019.
Antti Haataja vastaanotti Lauri Jäntin tietokirjapalkinnon keskiviikkona 30.1.2019. Govva: Pirita Näkkäläjärvi

– Haataja duodji lea áššedovdi ja movttas, muhto seammás dat lea analyhtalaš ja krihtalaš, Lauri Jäntti -vuođđudusa neahttasiidduin ákkastallojuvvo.

Lauri Jäntti bálkkašupmi lea ovddidan suomagielat girjjálašvuođa bálkkašumiiguin jagi 1985 rájes.

Ruošša soaitá blokket Barents Observer -neahttaáviissa Ruoššas

The Barents Observer muitala, ahte Ruošša soaitá blokket nappo eastadit sin neahttaáviissa Ruoššas, go aviisa lea almmustahttán ruoššagillii artihkkala mii muitala sápmelaš homofiiladievddu muitalusa, iešsorpmen geahččalemiin lihkkolaš eallimii ja rámisvuhtii.

Barents Observer muitala, ahte sii leat ožžon reivve mas daddjo, ahte jus sii eai váldde dán artihkkala eret nu Ruošša eastada sin neahtaáviissa Ruoššas. Aviisa muitala, ahte reivves daddjo, ahte artihkal doallá sisttis earret eará dieđuid mot ollašuhttit iešsorpmi ja ahte artihkal giktala iešsorpmemii. The Barents Observer ii áiggo váldit artihkkala eret.

Artihkal mii lea almmustahttojuvvon The Barents Observeris, lea jorgalusartihkal man lea álgoálggus čállán Marianne Hofman Arjeploglyttii.

Muhtton registtargalbbas sáhttá sáhkohallat

Boles sáhtta sáhkkohit jus biilla registtargalba lea muhtton. Muhtton registtargalba sáhttá leat váttisvuohta earret eará dalle, go áigu parkeret biilla dakkár parkerensadjái gos parkerenáiggi čuvvot kámerain. Dalle sáhttá boahtit vahágis stuorat rehket go galggašii. Suoma lága mielde buot registrerejuvvon biillaid galget bastit dovdat registtargalbbas.

Anáris nuvttá nuoraidkonsearta

Anáris lea duorastaga eahkes nuoraidkonsearta masa lea nuvttá sisabeassan. Konsearttas loaiddastit Oarjánnieiddat joavku masa gullet Inger-Anni Valkeapää, Maren-Elle Mäkitalo ja Máret-Elle Valkeapää, duo Vildá masa gullet Hildá Länsman ja Viivi Maria Saarenkylä ja daid lassin konsearttas loaiddasta vel ráppár Amoc. Konseartta láidesta Anna Lumikivi ja láidestangiellan lea eaŋgalasgiella.

Konsearta lea Sámekulturguovddáš Sajosis diibmu: 19-21.00. Konsearta lea nuvttá ja buohkat leat bures boahtin dohko.

Varrasamosat: Sápmi

Váldoođđasat

Varrasamosat

Muualla Yle.fi:ssä