Sápmi

Oanehaččat: Lappi guovllus lieggaset go dábálaččat, Pääkkönen pláne luondoturismaguovddáža Anárjávrri gáddái, Giellaseminára prográmma lea almmustuvvan

Dá leat gaskavahku oanehis ođđasat.

Sininen taivas aurinko ja pilviä.
Govva: Esko Jämsä / AOP

Guldal dás Yle Ođđasat Sápmi 11.9.2019. Jietna: Yle Areena

Lappi guovllus lea dál lieggaset go dábálaččat

Yle meteorologa Kerttu Kotajärvi mielde odne Roavvenjárggas, Giemajávrris, Sallas ja Giemas temperatuvra sáhttá leat badjel 20 lieggagráda.

Liegga dálki boahtá Lappii lullin.

Ikte Lappeenrantas ja Kokemäkis temperatuvra manai báhkka dálkki ráji (su.helleraja) badjel. Báhkka dálkki rádji manná 25 grádas.

Dušše oktii Suoma mihtidanhistorjjá áigge leat báhkka dálkkit leamašan ná maŋŋit.

Pääkkönen pláne luondoturismaguovddáža Anárjávrri gáddái

Neavttárin dovddusin šaddan Jasper Pääkkönen pláne Luondoturismaguovddáža Anárjávrri gáddái Naŋŋánjárgii.

Pääkkönen ja investerenfitnodat Korpi Capital leat bargan ovdasoahpamuša eatnama láigoheamis Naŋŋánjárggas Meahciráđđehusain.

Dárkkuhussan lea hukset guvlui luondoturismaguovddáža, mas giddejit fuomášumi Anárjávrri lundui, suopmelaš sávdnái ja arkitektuvrii. Loga eanet áššis Yle neahttasiidduin.

Mannan vahkus muitaleimmet, ahte Anárjávrri gáddái leat pláneme stuorra turismaguovddáža.

Giellaseminára prográmma lea almmustahttojuvvon

Norgga, Ruoŧa ja Suoma sámedikkit lágidit boahtte mánus giellaseminára Anáris Sámi kulturguovddáš Sajosis. Seminára lea sámedikkiid lassin lágideame maiddái Sámi Giellagáldu.

Seminára prográmma lea dál almmustahttojuvvon. Semináras leat iešguđetlágan ovdanbuktimat ja musihkkaloaiddasteamit. Eanet dieđut giellaseminára facebook-siidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä