Sápmi

Oanehaččat: Njukča báhččon Njávdámis, LK: Sáni Lapp eai geavat Ruoŧa alimus duopmostuolus, SÁNAG dutkan- ja ovdánahttinruđat ohcanláhkai

Dá leat bearjadaga oanehis ođđasat.

Laulujoutsen ojentaa kaulaansa ja levittää siipiään uidessaan joessa.
Vuorkágovva. Govva: Mimmi Nietula / Yle

Guldal dás Yle Ođđasat Sápmi 13.9.2019 Jietna: Yle Areena

Njukča báhččon Njávdámis

Anára Njávdámis lea goddon njukča. Anára boles oaččui almmuhusa, ahte Njávdámis lea gávdnon jápmán njukča. Dutkamiin čielggai ahte njukča lei báhččon 10. – 11.9 gaskasaš áigodagas. Dáhpáhusas navdet meahcástanrihkkosa ja luonddusuodjalanrihkkosa. Njukča lea ráfáidahtton. Boles bivdá dáhpáhusas lassedieđuid. Dieđuid sáhttá almmuhit telefonnummirii 040-5417864.

LK: Ruoŧa alimus duopmostuolus geavahit sáni Lapp sajis sáni nomada dahje boazodoalli

Ruoŧa alimus duopmostuolus gieđahallet dál Girjása čearu ášši. Stáhta ovddasteaddjit leat geavahan sáni lapp dalle go dat lea boahtán ovdan boares áššebáhpáriin. Sámit leat kritiseren dan.

Dál stáhta advokáhtat leat álgán geavahit “Lapp” sáni sajis sáni johtti dahje nomáda dahje boazodoalli seamma dárkkuhusas. Sáni sápmelaš eai hálit geavahit go oidnet, ahte dat čujuha eanet sápmelašvuhtii etnalaš doahpagin. Áššis muitala Lapin Kansa -aviisa.

SÁNAG dutkan- ja ovdánahttinruđat 2020 ohcanláhkai

Sámi našuvnnalaš gealbobálvalus –psyhkalaš dearvvašvuođasuddjen ja gárrendilledivššu SÁNAG dutkan- ja ovdánahttinruđat leat dál ohcanláhkai.

SÁNAG dutkan- ja ovdánahttinstivra juohká gitta 2 miljovnna Norgga ruvnnu rádjai jahkásaččat dutkamiidda ja ovdánahttinprošeavttaide.

Ulbmil ruđain lea doarjut prošeavttaid, mat ovdánahttet máhtu Norgga sámi álbmoga psyhkalaš dearvvaš­vuođa suddjema ja gárrendilledivššu suorggis.

Ohcan galgá leat vuostáiváldojuvvon elektrovnnalaččat golggotmánu 25. beaivvi 2019 ovdal dii. 12:00.

Varrasamosat: Sápmi

Váldoođđasat

Varrasamosat

Muualla Yle.fi:ssä