Sápmi |

Oanehaččat: Olli Magga čáhcecrossa suomameašttir, ođđa Sámi ofelaččat ja muittuhit eanabuollinváruhusas

Dás leat vahku vuosttaš oanehis ođđasat.

Vuotsolainen Water-Cross mestari Olli Magga
Vuohččulaš Olli Magga vuittii čáhcecrossa suomameašttirvuođa. Arkiivagovva. Govva: Ari Magga

Čáhcecrossa SM vuoitu Olli Maggai

Vuohččulaš Olli Magga vuittii čáhcecrossa suomameašttirvuođa Avvilis. Nubbin SM luohkás vujii duortnuslaš Jani Tryyki ja goalmmádin bođii avvillaš Aki Pesonen.

Avvila čáhcecross gilvvut vuddjojuvvojedje lávvardaga 27.7.

Ođđa Sámi ofelaččat

Njeallje ođđa Sámi ofelačča leat dál válljejuvvon. Ođđa ofelaččat leat Maila Risten Bongo Dikkanen, 19, Unjárggas eret, Aina Haugom Nordjell, 23, Plassjes eret, Inga Maret Solberg Åhren, 18, Romssas eret, ja Håkon Mudenia, 23, Deanus eret.

– Sámi allaskuvla lea hui rámis go beassat fas almmuhit njealje ođđa sámi nuora, geat leat válljejuvvon ovddastit ofelašdoaimma. Sis lea dehálaš bargu ja mun sávan sidjiide lihkku doaimmain, lohká Sámi allaskuvlla direktevra Johan Ailo Kalstad.

Sámi ofelaččaid váldoulbmil lea muitalit sámi kultuvrra ja servvodaga birra eará nuoraide Norggas.

Ođđa Sámi ofelažžan ohce dán jagi 19 nuora. Ofelaččat almmuhuvvojedje Márkomeannu-festivála oktavuođas Evenášši gielddas bearjadaga 26.7.

Eanabuollinváruhus fámus

Lappi boles muittuha, ahte eanabuollinváruhus lea dál fámus. Eana lea dál goikkis ja buollimat levvet johtilit biekkaid dihte.

Lappi gádjunlágádus lea čáskkadan buollimiid vahkkoloahpas ovdamearkka dihte Roavvenjárgga guovllus.

Boles háliidage muittuhit, ahte dola cahkkeheapmi lea gildojuvvon eanabuollinváruhusa áigge.

Dálkediehtaga lágádus lea addán eanabuollinváruhusa olles Lappi eanagoddái.

Varrasamosat: Sápmi

Váldoođđasat

Varrasamosat

Muualla Yle.fi:ssä