Sápmi

Oanehaččat: Poasta seailluhage válgabáhpáriid guhkit áigge, Anára ja Levi gaskasaš geainnus divvot oasáža, Vuohčus vejolašvuohta gullat Juigietti dološ dutkamušaid birra ja ealgabivdui boddu ragatáiggi dihte

Dá leat duorastaga oanehis ođđasat.

Jienastanlihppo sámedikkiválggain.
Govva: Kaija Länsman

Video: median oletuskuva, musta laatikko

Poasta seailluhage válgabáhpáriid guhkit áigge

Poasta seailluha girjejuvvon válgaáššereivviid Davvi-Suoma poastanummirguovllus namalassii Ylivieskas gitta Njuorggámii, duorastaga 26.9.2019 rádjai. Dan maŋŋá reivvet máhcahuvvojit válgalávdegoddái, dieđiha válgalávdegoddi.

Jos it leat ožžon poastta sádden boahtinalmmuhusa, váldde oktavuođa válgalávdegotti doaimmahahkii tel. +358 10 839 3120.

Anára ja Levi gaskasaš geainnu divvot logi kilomehtera veardde

Gihttela gielddas divvugohtet Köngäs-Hanhimaa gaskasaš geainnu, dieđihii johtolatministeriija ikte. Dárbu geainnu divvumii lea, go johtolat Suurikuusikko ruvkii lea lassánan.

Stáhta lea juolludan geainnu divvumii 7,5 miljovnna euro. Geainnu divvot badjelaš logi kilomehtera veardde. Geaidnu galggašii leat divvojuvvon juo jagis 2022.

Köngäs ja Hanhimaa leat Anára ja Levi gaskkas ja geaidnu lea hui mohkkás čievrageaidnu.

Vejolašvuohta gullat Juigietti dutkamušaid birra

Vuohčus lea otne vejolašvuohta gullat Juigietti boares dutkamušaid birra. Juigieddi lea Soabbátjávrri máttabealde. Arkeologa Christian Carpelan boahtá muitalit iežas dutkamušaid birra, maid son dagai 60 jagi dassái.

Gáfestallanboddu arkeologa Carpelanin dollojuvvo duorastaga 19.9.2019 Vuotson Majas, diibmu 19:00.

Juigietti dološ gávdnosiid mielde árvalit, ahte Soabbát-guovllu ássit leat čoahkkanan Juigieddái giđđat godde- ja loddebivdui ja čakčatges guollebivdui.

Juigiettis leat eallán jo 500 jagi ovdal Kristusa, go báikkis leat gávdnan dan áigásaš keramihka stuhkaid.

Ealgabivdui boddu ragatáiggi dihte

Davvi-Suomas boahtá boddu ealgabivdui bearjadaga 20.9.2019 ealggaid ragatáiggi dihte. Nubbi ealggaid bivdobadji álgá fas lávvardaga 12.10.2019.

Anárii leat dán jahkái mieđihan badjel 1700 ealgalobi. Eanodahkii mieđihedje 174 lobi ja Ohcejohkiiges 125 lobi.

Varrasamosat: Sápmi

Váldoođđasat

Varrasamosat

Muualla Yle.fi:ssä