Sápmi |

Oanehaččat: Sámekultuvra ovdan Pariisas, čuovžžaid gánnáha bivdit čakčat, guovžabivdu ovdána, somevideot olggosaddojuvvojit

Dá leat duorasdaga oanehis ođđasat.

Sámiduoddji bearralat
Dán čavčča Pariisas Frankriikkas beassá oahpásmuvvat sámidujiide ja kultuvrii. Govva: Yle Sápmi

Guldal dás Yle Ođđasiid Sámis 5.9.2019 d. 7.30. Jietna: Yle Areena

Sámekultuvrra ovdan Pariisas

Suoma instituhtas Pariisas Frankriikkas dán čavčča ovdanbuktojuvvojit sámekultuvrra ja sápmelaš duojit. Galleriačájáhus ráhppojuvvo gehččiide ihtin bearjadaga.

Duddjot-čájáhusas ovdan leat 14 duojára ja dáiddačeahpi duojit. Ovdan leat nu árbevirolaš duojit go ođđaáigge duojit.

Dán čavčča áigge maiddái sámefilmmat čájehuvvojit ja oaidnin láhkai leat earret eará Marja Helander oanehisfilbma Eatnanvuloš lottit ja dasto Katja Gauriloff dokumeanta Manumeahci Kaisa.

Gullat eambo ságaid Pariisas min radiosáddagiin bearjadaga.

Čuovžžaid gánnáha bivdit čakčat

Jyväskylä universitehta lea ovtta jagi dutkkan Gilbbesjávri čuovžžaid dili. Čuovžža cuohpa nuppástusaid dutke nu buoiddi go eallisilbba meriid oasil ja dat molsašuddet jagiáiggiid mielde.

Gilbbesjávri čuovžžaid stuorrunáigi lea oanehaš, dušše geassemánotbajit. Buoiddimus muttus guolit leat čakčat ja árbevirolaččat guovllu olbmot bivdetge jávreguliid justa dalle.

Čuovža gođđá skábman ja dan maŋŋá guolit ruidnet, man guovllu olbmot leat maid juo ovddežis diehtán.

Guovžabivdu ovdána

Dál álgovahkus leat vuot lihkostuvvan guovžabivddus boazodoalloguovllus. Suomussalmis láhka nuortarájá ja máttimus boazodoalloguovllus moatti beaivvis lihkostuvve báhčit vihtta guovžža. Buohkanassii boazodoalloguovllus leat lihkustuvvan bivdit badjel 40 guovžža. Dain nuppelogi báhče Lappi guovllus. Guovžabivdu bistá boahtte mánu loahpa rádjai.

Somevideot olggosaddojuvvojit

Man bures sámediggeevttohasat dovdet sáme nuoraid máilmmi? Yle Sámi nuoraidprográmma Sohkaršohka buvttadan válgavideoráidu almmustahtto otne duorastaga diibmu 12. Videoin leat mielde mielde 23 evttohasa. Videoráidu ii leat árbevirolaš válggavideolágan, baicce diehtogilvu.

Loga dás eambo sierra artihkkalis. Yle Sámi válgamášenii beasat váikke dás.

Boahtte vuossárgga olggosaddit maid videoid panelaságastallamiin.

Varrasamosat: Sápmi

Váldoođđasat

Varrasamosat

Muualla Yle.fi:ssä