Sápmi |

Oanehaččat: Sámi arkiivvas otne rabas uvssat, Suvi West bagadallan dokumeantafilbmii 90 000 euro buvttadandoarjja, EU-doarjagiid ohcan nehttii, eaktodáhtolaččaid ohcet bargui, čuovo luosaid goarŋuma neahtas

Loga dás ođđasiid oanehaččat.

Saamelaisarkisto
Sámi arkiivvas Anáris otne rabas uvssat logis njealji rádjai. Govva: Vesa Toppari / Yle

Radioođđasat 07.06.2019 dbm 7.30. Jietna: Yle Areena

Sámi arkiivvas otne rabas uvssat

Sámi arkiivvas Sajosis Anáris lea otne rabas uvssaid beaivi logis njealji rádjai. Sámi arkiiva gávdno sámekulturguovddáš Sajosa nuppi gearddis. Ieš arkiivalatnjii beassá guolvalit oahpisteaddjin dbm 11, 13, ja vel 14. Dutkiidlanjas fas beassá geahčadit ovdamearkan govaid ja áviisaartihkalčoakkáldaga ja oahpásmuvvat arkiivva prošeavttaide. Ja beassába doppe juhkat maid káfe seammás go oahpásmuvvá arkiivva doaimmaide.

Suvi West dokumeantafilbmii 90 000 euro buvttadandoarjja

Suoma filbmafoanda lea juolludan vádjit 7,4 miljovnna euro filmmaid buvttadeapmái ja čájeheapmái. Sápmelaš filbmadahkki Suvi West oažžu filbmafoanddas 90 000 euro sturrosaš buvttadandoarjaga Unohdettu Kansa nammasaš dokumeantafilbmii.

Filbma muitala Suoma stáhta hárjehan sámepolitihkas, sápmelaččaid dálá dilis ja dáistaleamis iežaset rievttis leat. Suvi West lea filmma bagadalli ja giehtačálli ja dan buvttada Vaski Filmi Oy.

EU-doarjagiid ohcan nehttii

Biebmolágádus dahje Ruokavirasto lea plánemin sirdit boazoealáhusa EU-doarjagiid ohcama nehttii. EJB-guovddáža boazodoalloáššedovdi Päivi Kainulainen muitala, ahte EU-doarjagiid ohcan dáhpáhuvvá neahta bokte jo jáhkkimis boahtte jagi.

Dán čavčča boazodoalu EU-doarjagat ohccojuvvojit vel boares vuogi mielde báberhámis. Go EU-doarjagiid ohcan sirdása nehttii, de boazodoallit sáhttet leat sihkkarat das, ahte doarjjaohcamuš lea joavdan gieđahallamii iige leat láhppon boasttas, dadjá Kainulainen.

Eaktodáhtolaččaid ohcet bargui

Ijahis idja -álgoálbmogiid musihkkafestivála Anáris ohcá eaktodáhtolaš bargiid borgemánu 16-18.8 beivviide. Veahkki dárbbašuvvo nu johtolaga stivrremis, bileahtaid vuovdimis, festiválabáikki čorgemis ja eará dan sullasaš bargguin.

Eaktodáhtolaččaide lohpiduvvo bálkán nuvttá festiválapássa bearjadaga ja lávvardaga váldokonsearttaide. Fállun lea maid liegga borramuš bargiide. Lassidieđuid addá Anna Lumikivi Sámedikkis.

Čuovo luosaid goarŋuma neahtas

Luosaid goargŋuma Detnui dutket fas skádjaseasaniiguin. Luondduriggodatguovddážis leat skádjaseasanat Buolbmágis, Gáregasjohʹnjálmmis ja Heastanjárggas, nu ahte de dihtet maiddái dan mo luosat gorkŋot Anárjohkii ja Kárášjohkii.

Eará Deanu oalgejogaid luossagoargŋuma čuvvot fas video bokte.

Luossa rehkenastimiid Deanu oali ja Anárjoga oasil sáhttá čuovvut Luke neahttasiidduin, dieđut beaiváduvvojit unnimustá oktii vahkkus.

7.6.2019 dii 12.16 lasihuvvon ođas: Suvi West dokumeantafilbmii 90 000 euro buvttadandoarjja.

Varrasamosat: Sápmi

Váldoođđasat

Varrasamosat

Muualla Yle.fi:ssä