Sápmi |

Oanehaččat: Válgaáššebáhpáriid sáhttá viežžat boasttas vel moadde beaivve, Sápmi Pride álgá, eai jáhke Norggas leahki beanadávdda njoammut álkit

Dá leat duorastaga oanehis ođđasat.

Sámediggeválggát 2011
Vuorkágovva jagis 2011. Govva: Yle / Vesa Toppari

Guldal dás Yle Ođđasat Sápmi 12.9.2019 Jietna: Yle Areena

Sámediggeválggaid áššebáhpáriid galgá viežžat boasttas nu jođánit go vejolaš

Sámediggi muittuha viežžat válgaáššebáhpáriid boasttas nu jođánit go vejolaš. Maŋimustá reivve galgá viežžat 17.9. nappo boahtte vahkku disdaga.

Jus vel ii leat ožžon boasttas almmuhusa, ahte girjejuvvon reive lea boahtán, de galgá váldit oktavuođa válgalávdegotti doaimmahahkii.

Sápmi Pride álgá

Dan jagaš Sápmi Pride álgá odne duorastaga. Sápmi Pride ordnejuvvo dán háve Troanddimis Norggas.

Sápmi Pride bistá sotnabeaivve rádjai ja Troanddimis leat iešguđetlágan dáhpáhusat daid beivviid áigge.

Sápmi Pride ovttasbargá dán jagaš Trondheim Pridein. Eanet dieđuid Sápmi Pride dáhpáhusain gávnnat Sápmi Pride facebook-siidduin.

Norggas beatnagiid goddán dávda ain dovdameahttun

Norggas leat lagas áiggiin jápmán máŋggat logit beatnagat dovdátmeahttun dávdii. Velge eai máhte dadjat mii dávdda dagaha ja njoammugo dat beatnagis nubbái. Dávda dagaha beatnagii garra varraluhčadávdda. NRK Sápmi muitala, ahte Norgga šibitdoavttirinstituhtta ii jáhke beanadávdda leat diekkár mii álkit njoammu.

Suoma biebmobearráigeahčču mielde ii leat dieđus, ahte Suomas livčče dávdaepidemiijat muhto ávžžuha, ahte beatnagiid ii galgga buktit Norggas Supmii iige fas doalvut Suomas Norgii. Eanet áššis sáhtát lohkat suomagillii Kennelliitto ja biebmobearráigeahčču -neahttasiidduin ja dárogillii Norgga šibitdoavttirinstituhta neahttasiidduin.

Varrasamosat: Sápmi

Váldoođđasat

Varrasamosat

Muualla Yle.fi:ssä