Sápmi |

Odne čielgá, geat stivregohtet ođđa Sámedikki – Yle Sápmi čuovvu ortniiduvvančoahkkima reálaáiggis

Sámedikki ortniiduvvančoahkkimis válljejuvvojit ođđa ságadoallit, stivra ja maiddái lávdegottiid lahtut.

Saamelaiskäräjät 2020-2023
Sámediggi vállje odne earret eará ođđa ságadoalliid ja stivrra. Govva: Vesa Toppari / Yle

Ođđa Sámediggi jagiide 2020–2023 čoahkkana odne duorastaga 27. guovvamánu guovttebeaivásaš ortniiduvvančoahkkimii Anárii Sajosii diibmu 10.

Sámedikki ortniiduvvančoahkkimis válljejuvvojit ođđa ságadoallit, stivra ja eará doaibmaorgánat, dego lávdegottiid lahtut.

Čoahkkin doallá maiddái sáttatságastallama Sámedikki válgabaji doaibma- ja ruhtadoalloprográmma vuođustusain ja sisdoalus jagiide 2020–2023.

Sámediggelága mielde Sámedikki vuosttas čoahkkima bovde čoahkkái boarrásamos lahttu, guhte doaibmá maiddái čoahkkima ságadoallin dassážii, go ođđa ságadoalli lea válljejuvvon. Ođđa válgabaji boarrásamos lahttu lea anárlaš Kari Kyrö.

Yle Sápmi čuovvu válljemiid reálaáiggis

Yle Sápmi čuovvu Sámedikki ortniiduvvančoahkkima válljemiid reálaáiggi iežas neahttasiidduin. Čoahkkinságaid lea vejolaš gullat ja oaidnit maiddái min beaivvi sáddagiin sihke ja rádios ja TV:s.

Čoahkkima sáhttá čuovvut maiddái báikki alde Sajosis dahje njuolggostreama bokte.

Ođđa Sámedikki ortniiduvvančoahkkima áššelistu gávdno dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä