Sápmi |

Ohcejoga dearvvašvuođaguovddáža doavttervuostáiváldimiid dikšot gáiddusoktavuođain borgemánu loahpa rádjái – njoammubálgáid leat čielgadan

Dearvvasvuođaguovddáža pasienttaid ja bargiid sihke bálvalusássama ássiid testema jotket otne.

Utsjoen terveysasema
Ohcejoga dearvvasvuođaguovddáža seaŋgaossodagas leat álgovahkus gávnnahan guokte koronanjoammuma. Govva: Anneli Lappalainen / Yle

Ohcejogas gávnnahuvvon koronavirusnjoammumiid vuolggasadji ii leat čielgan. Ohcejoga gielddahoavda Vuokko Tieva-Niittyvuopio dieđiha áššis gieldda neahttasiiddus, ahte njoammunbálgáid leat čielggadan ja dárbbašlaš karantenarávvagat leat addon.

Ohcejogas leat dán vahku áigge gávnnahuvvon guokte koronavirusnjoammuma dearvvašvuođaguovddáža seaŋgaossodagas.

Ohcejoga dearvvasvuođaguovddážis, Seitakartanos, Dorvus ja Aspas lea dán dilis gallestallangielddus. Dearvvasvuođaguovddáža pasieantavuostáiváldimat dikšojuvvojit gáiddus- dahje telefonoktavuođain.

– Dearvvašvuođaguovddážis eat váldde vuostá olbmuid dán mánu loahpa rádjái, easkka dalle boahtte mánu álggus, muitala jođiheaddjidoavttir Heidi Eriksen.

Ohcejoga seaŋgaossodagas gávnnahuvvui vuosttas koronavirusdáhpáhus vuossárgga 17.8. ja nubbi maŋŋebárgga 18.8.

Buot seaŋgaossodaga pasieanttat ja bargoveahka leat testejuvvon. Eriksen muitala, ahte testemiid jotket fas otne duorastaga.

– Mii testet dál dávjá buohkaid. Otne mii testet dearvvašvuođaguovddáža buot seaŋgaossodaga pasienttaid ja bargiid, ja buot ássiid Dorvvus ja Seitakartanos.

Divvojuvvon 20.8.2020 dii. 17.54: divvojuvvon diehtu njoammuma gáldus. Álgoálgosaš gáldu ii leat dieđus, muhto njoammunbálgáid leat čielggadan.

Varrasamosat: Sápmi

Váldoođđasat

Varrasamosat

Muualla Yle.fi:ssä