Sápmi |

Ohcejoga koronadáhpáhussii laktásit njeallje ođđa njoammuma – njoammunáitaga vuolde leat vádjit 20 olbmo

Njoammumiid vuolggasadji ii leat vuos čielgan.

Utsjoki
Ohcejogas leat sihkkarastán dál oktiibuot guhtta koronavirusnjoammuma. Govva: Vesa Toppari / Yle

Ohcejoga gielddas leat gávdnon bearjadatiđida 21.8. rádjai guokte ođđa koronavirusnjoammuma. Ođđa njoammumat leat Ohcejoga seaŋgaossodaga pasieanttas ja bargis. Oktiibuot njoammundáhpáhusat Ohcejogas gielddas leat njeallje.

Ohcejoga dáhpáhussii laktásit goit ođđa njoammumat maid gieldda olggobealde. Guovttis buohccán olbmuin leaba báikegoddelaččat ja guovttis olgobáikegoddelaččat, muitala Lappi buohccedikšunbire infekšuvdnadoavttir Markku Broas.

Oktiibuot Ohcejoga dáhpáhussii laktásit guhtta njoammuma sihke Ohcejogas ja mannu eará gielddas.

Vuosttas njoammun sihkkarastojuvvui vuossárgga Ohcejoga dearvvašvuođaguovddáža seaŋgaossodagas, nubbi njoammun sihkkarastojuvvui gaskavahko. Njoammunáitaga vuolde leat vádjit 20 olbmo, main eanáš oassi leat leamašan dearvvašvuođaguovddážis.

Ohcejoga njoammunbálgái laktásit oktiibuot guhtta dáhpáhusa, main njeallje leat Ohcejogas ja guokte gieldda olggobealde.

Dearvvašvuođaguovddáža bargit ja eará áššehaččat, geat leat leamašan njoammunáitagis, leat testejuvvon. Ođđa njoammumat leat gávdnon sis váldon čájánasain.

– Golbma njoammuma leat seaŋgaossodaga pasieanttain, guokte oapmehaččain ja okta seaŋgaossodaga bargis, muitala Broas.

Ohcejoga gielddahoavda Vuokko Tieva-Niittyvuopio muitala, ahte buohccán bargi lea karantenas ruovttustis.

– Son ii leat bargan dán vahkus seaŋgaossodagas.

Seaŋgaossodaga buort bargit testejuvvojit – Teastabohtosat gárvánit sotnabeaivái

Gielddahoavdda mielde seaŋgaossodaga buot bargit testejuvvojit. Teastabohtosiid vurdet gárvánit sotnabeaivái. Bargiid testejit juohke nuppi beaivve nu guhká go lea dárbu, lohká gielddahoavda Vuokko Tieva-Niittyvuopio.

Koronavirusii buohccán pasieanttaid dikšot sierra. Ohcejoga dearvvašvuođa seaŋgaossodagas leat 13 báikki. Ohcejoga jođiheaddji doavttir Heidi Eriksen muitala, ahte koronadáhpáhusat váikkuhit smávva dearvvašvuođaguovddáža doaimmaide sákka.

Guldal, mo Ohcejoga dearvvašvuođaguovddážis dikšot koronadáhpáhusaid. Jietna: Anneli Lappalainen

Ohcejoga koronadáhpáhusaid álgu ii leat velge čielggas, nanne Eriksen.

Olles Lappi buohccedikšunbires leat dán rádjai sihkkarastán 106 koronavirusnjoammuma.

21.8.2020 dii. 18.00 divvojuvvon, ahte Ohcejogas leat bearjadatiđida 21.8. rádjai guokte ođđa koronavirusnjoammuma.

Varrasamosat: Sápmi

Váldoođđasat

Varrasamosat

Muualla Yle.fi:ssä