Sápmi |

Ohcejogas ordnejit álbmotdilálašvuođa Deanu guolástannjuolggadusaid nuppástuhttin dárbbuin

Ministeriija bivdá cealkámušaid sihke boahtte geasi ja olles Deanu guolástannjuolggadusaid dárkkálmahttimis ja nuppástuhttin dárbbuin.

luossariemu 2019.
Eana- ja meahccedoalloministeriija lea bivdán cealkámušaid sihke boahtte geasi njuolggadusain ja olles Deanu soahpamušas. Govva: Kaija Länsman / Yle

Deanu boahtte geasi guolástannjuolggadusaide áigot dahkat smávva dárkkálmahttimiid ja dain bivdet dál cealkámušaid.

Ovdamearkka dihte dárkkálmahttimat guoskkašedje mánáid guolástanlobiid, bivdináiggiid ja sálašalmmuhusaid deavdima.

Cealkámušaid sáhttá addit cealkámušbálvalusa bokte gitta 18.3.2020.

Olles Deanu guolástannjuolggadusain álbmotdilálašvuohta Ohcejogas

Eanan- ja vuovdedoalloministeriija gárte dál makkár nuppástuhttin dárbbut olles Deanu soahpamuššii leat. Das leat bivdán cealkámušaid árabut. Olles Deanu soahpamušas sáhttá cealkit gitta 2.3.2020.

Olles Deanu guolástannjuolggadusaid nuppástuhttindárbbuin ordnejit álbmotdilálašvuođa Ohcejogas 7.3.2020. Dilálašvuohta lea Ohcejoga searvegoddedálus diibmu 10-14.

Suoma ja Norgga gaskasaš Deanujoga bivdosoahpamuša váikkuhusain lea gieskat gárvvásmuvvan raporta. Bivdosoahpamuša váikkuhusaid árvvoštallamii leat čohkkejuvvon sierra oassebeliid oaivilat soahpamuša doaibmamis ja dan váikkuhusain.

Dasa leat jearahallon 29 olbmo, geat ovddastit oassebeliid, geaidda Deanujoga bivdosoahpamuš váikkuha. Dohko leat girjejuvvon maiddái nuppástusdárbbut maid guolástusnjuolggadusa ođasmahttinproseassas ja dasa oassálastimis.

Varrasamosat: Sápmi

Váldoođđasat

Varrasamosat

Muualla Yle.fi:ssä