Sápmi |

Okta olmmoš jápmán pakeahttabiilla ja guorbmebiilla lihkohisvuođas Avvilis

Lappi gádjunlágádusas muitalit, ahte lihkohisvuođas jámii pakeahttabiilla vuoddji.

lihkohisvuohta, onnettomuuspaikka
Lihkohisvuođabáikkis šlahttá. Govva: Yle

Okta olmmoš lea jápmán pakeahttabiilla ja guorbmebiilla oktiibeaškkeheames Avvila máttabealde Dearpmážis duorastaga. Lihkohisvuohta dáhpáhuvai veháš ovdal gaskabeaivve.

Lappi gádjunlágádusas muitalit, ahte lihkohisvuođas jámii pakeahttabiilla vuoddji. Pakeahttabiilla okta mátkkošteaddji lápmašuvai vearrát. Guorbmebiilla vuoddji ii lápmašuvvan vearrát.

Lappi gádjunlágádusa mielde lihkohisvuohta dáhpáhuvai luoddaearus, go njelješgeainnu vuodján guorbmebiila beaškkehii pakeahttabiilla siidui. Pakeahttabiila bođii njelješgeainnu ala siidogeainnus.

Gádjunlágádus ii váldde beali dasa, mii lea lihkohisvuođa sivva. Boles dutká ášši.

Johtolaga leat lihkohisvuođabáikkis ordnen johttit nuppi geainnu bokte.

Varrasamosat: Sápmi

Váldoođđasat

Varrasamosat

Muualla Yle.fi:ssä