Sápmi |

Olbmot Yle Sámi sosiála medias: dát leat čábbámus sámegielsánit

Yle Sápmi jearai sosiála medias čábbámus sámegiela sániid ja vuorbádii seammás geasseveaskkuid vástideddjiid gaskkas.

Kauneimpia saamen kielen sanoja
Ráhkisvuohta, koldeđ, vueʹǯǯveärr... Dákkár sánit bohte ovdan, go jearaimet golmma davvisáme-, nuortalaš-, ja anárašgielat olbmos sin miela miel sániid. Govva: Tanja Ylitalo ja Ville Fofonoff / Yle

Yle Sápmi barggai gieskat artihkkala das, mat leat sámegiela čábbámus sánit olbmuid mielas. Artihkkalis guđas muitaledje iežaset sámegiela čábbámus sániid ja sivaid daid válljemii.

Loga lasi: Eatnigiela čábbámus sánit, kollekielâ vááimuvuálááš säänih, moččumõs sääʼn sääʹmǩiõlin

Artihkkala almmustahttima oktavuođas jearaimet maid sosiála media lávddiin olbmuin vástádusaid. Seammás lohpideimmet vuorbádit Yle Sámi geasseveaskkuid vástideaddjiid gaskkas.

– Ǩizldõk, muitala okta vástideaddji das, mii lea su mielas nuortalašgiela čábbámus sátni.

Muhtumat atnet ráhkisvuođa sániid čábbámussan: rääʼǩǩes ja ráhkis bohtet vástádusain ovdán. Maid bearašsánit leat máŋgga vástádusas, ovdamearkka dihte "eadni" muitaluvvo mearkkašumis dihte čábbámus sátnin.

WE ♥ SÁPMI
Dáid geasseveaskkuid lea vejolaš vuoitit, jus oassálastá Instagram bokte Yle Sámi govvagilvui. Govva: Linda Tammela / Yle

Luonddusánit leat maid dávjá olbmuid mielas čábbámus sánit.

– Moččumõs sääʹn muu miõlâst lie piõgg, jäuʹrr da jieʹllem, čállá okta vástideaddjiin.

– Davvisámegielas leat ollu čáppa sánit, muhto dán vuoro válljen sáni ápmil. Ohppen dan sáni máŋggaid jagiid dassái ovtta boarrásut badjeolbmos guhte dál lea juo vádjolan. Go muittán duon sáni de muittán su maid.

Dáinna ápmiliin nappo ovttačoarvvát bohccuin deaivvai maid vuorbádanlihkku. Olles ságastallan lea Facebookis.

Maid Instagram bokte bohte vástádusat.

– Čuovga – sihke jietnadagaid ja mearkkašumi dáfus, čállojuvvo vástádusas, man sáddejeaddji vuittii vuorbádeamis geasseveaskku.

Lassin earret eará jeđđet, muitu, urbi ja fiellu logaldallojuvvo fiidnámus sániid jovkui.

Mii giitit vástideddjiid čábbámus sániid muitaleames!

Jietna: Linda Tammela ja Tuomo Laiti / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä