Sápmi |

Olgoministtar Timo Soini boahtá vuossárgga Anárii

Soini oassálastá vuossáriđit Anáris Árktalaš parlamentarihkkárkonferánsii, man maŋŋá son joatká mátkkis Avvila logahahkii.

Timo Soini
Suoma olgoministtar Timo Soini. Govva: Vesa Moilanen / Lehtikuva

Olgoministtar Timo Soini galleda Anáris vuossárgga čakčamánu 17. beaivve. Soini oassálastá mátkkistis Árktalaš parlamentarihkkárkonferánsii Anáris ja fitná Avvila logahagas.

Árktalaš parlamentarihkkárkonferánsa čohkke boahtte vahkus sámekulturguovddáš Sajosii Anárii lagabui 50 árktalaš guovllu riikkabeaiáirasa. Oassálastit bohtet buot Davviriikkain, Kanádas, Ruoššas, Eurohpá parlameanttas, eamiálbmogiid organisašuvnnain ja Árktalaš ráđi dárkojeaddjiriikkain, ovdamearkka dihte Kiinnás ja Singapores. Čoahkkimis gieđahallet earret eará gulahallanoktavuođaid ovddideami ja dálkkádatrievdama váikkuhusaid árktalaš guovllus.

Olgoministtar Soini oassálastá konferánssa vuosttas oassái vuossáriđit. Soini doallá dilálašvuođas sáhkavuoru, mas son guorahallá Suoma doaibmama Árktalaš ráđi sátnejođiheaddjin 2017–2019.

Konferánssa maŋŋá Soini joatká mannan jagi álgán skuvlaturneas Avvila logahagas. Turnea guovddáštemán lea olgo- ja dorvvolašvuođapolitihka mearkkašupmi veahkaválddálaš radikalismma eastadanbarggus.

Varrasamosat: Sápmi

Váldoođđasat

Varrasamosat

Muualla Yle.fi:ssä