Sää´mjânnam |

Ooʒʒõõttmõš Sääʹmteeʹǧǧ vaal-loǥstõʹǩǩe poott rosttovmannu looppâst

Sääʹmteeʹǧǧ vaal tuåimtet puõtti eeʹjj čâhččâ. Vaalin piâʹsse jiõnsted säʹmmla, kook lie mieʹrǩǩuum Sääʹmteeʹǧǧ vaal-loǥstõʹǩǩe. Ooʒʒõõttam-ääiʹj vaal-loǥstõʹǩǩe lij tän eeʹjj loopp räjja.

Válgalogahallamii ohcanskovvi
Govva: Yle Sápmi

Sääʹmteeʹǧǧ vaal tuåimtet puõtti eeʹjj čâhččâ. Jiõnstemvuõiggâdvuõttneʹǩǩen lie säʹmmla, kook lie mieʹrǩǩuum Sääʹmteeʹǧǧ vaal-loǥstõʹǩǩe. Jiõnstemvuõiggâdvuõttneeʹǩǩ säʹmmla lie še vaalânnsaž da vueiʹtte äʹlǧǧed vaalin vobõršeǩǩen.

Jõs lij ouddâl leämmaž jiõnstemvuõiggâdvuõttneʹǩ, loǥstõʹǩǩe ij taarbaš ooʒʒõõttâd ođđest

Vaal-luʹvddkåʹdd mieʹrǩǩad vaal-loǥstõʹǩǩe tõid säʹmmlaid, kook leʹjje jiõnstemvuõiggâdvuõttneʹǩǩen eeʹjj 2011 vaalin.

18 eeʹǩǩed tiuddeei âlgg iʹlmmted, âʹnne-a jiijjâz säʹmmliʹžžen

Oouʹdbuž vaalin vaal-loǥstõʹǩǩe mieʹrǩǩuum oummui päärna, kook liâ puättam jiõnstemvuõiggâdvuõđâkka leʹbe tiuddâm 18 eeʹǩǩed mââimõõzzâst vaal mââimõs peeiʹv, siʹjjid mieʹrǩǩeed vaal-loǥstõʹǩǩe mâŋŋa, ko sij liâ iʹlmmtam što sij âʹnne jiijjâz säʹmmliʹžžen.

Tät iʹlmmtõs âlgg tuejjeed  rosttovmannu mââimõs peeiʹv mõõneeʹst. Tän diõtt jiõnstemvuõiggâdvuõđâkka pueʹtti ooumže vuõltteet maacctemkonfeâʹrtin ooccâmblaŋkk, kååʹtt âlgg tiuddeed, vuâllaǩeeʹrjted da maaccted pååʹštest vaal-luʹvddkådda.

Vaal-loǥstõʹǩǩe vuäitt ooʒʒõõttâd leʹbe tõʹst vuäitt še jaukkeed

Vaal-loǥstõʹǩǩe mieʹrǩǩeed še tõk oummu, kook jiõčč ǩeʹrjjlânji ooʒʒâʹtte vaal-loǥstõʹǩǩe da koid vaal-luʹvddkåʹdd tuâtt jiõnstemvuõiggâdvuõttneǩ säʹmmliʹžžen. 

Raukkmõš vaal-loǥstõʹǩǩe väʼlddem diõtt leʹbe tõʹst jaukkeem diõtt âlgg tuejjeed vaal-luʹvddkååʹdd tän diõtt rajjum ooccâmblaaʹŋkin, kååʹtt âlgg maaccted vaal-luʹvddkådda pååʹštest nuʹtt, što tõt lij mieʹrrpääiʹǩest mââimõõzzâst rostovmannu 31. peeiʹv čiâss 16.00.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä