Sápmi |

Orrugo, ahte dálvvit eai leat šat dego dolin? Dat lea duohta: Dálvi lea otnon Romssas 17 beaivve, Njuorggámisges 12 beaivvi

Dieđut vuođđuduvvet maŋimuš 30 jagi statistihkaide.

Dálvi
Dát dálvi leamašange earenomáš bivval, eandaliige Lappi eanagotti gaska- ja davveosiin,. Govva: Vesa Toppari / Yle

Dán áigge olmmoš oaidná iđđes buolašmihttáris dávjá dušše smávva buollaša loguid eaige dološ buolašmihttáriinge šat nogaše logut gaskan.

Dálvvit leat otnon maŋimuš 30 jagis baikkuid joba badjel guokte vahku, ovdamearka dihte Norggas. Romssas, čállá Barents Observer.

– Romsa lea manahan 17 dálvebeaivvi, muitaledje Norgga Meteorologalaš Instituhtas.

Dálvebeaivi lea dakkár beaivi, goas mihttár niedjá nolla vulobeallái.

Njuorggámis ja Bohkás dálvi otnon 12 beaivvi

Dálkediehtaga lágádusa statistihkaid mielde Suomasge dálvvit leat otnon. Jávrrit jikŋot máŋŋelebbos. Ovdal vudje vel geassemánusge gielkkáin miehtá Anárjávrri.

Dálkediehtaga lágádusa statistihkaid mielde ovdamearkka dihte Suoma davimus gilis, Njuorggámis dálvi ii bistte šat nu guhká go 1961–1990. Dien áigodagas Njuorggámis dálvi bisttii 196 beaivve.

Jagiin 1981–2010 dálvebeaivvit ledje šat 184. Dálvvi guhkkodat leage otnon 12 beaivvi Njuorggámis. Seamma veardde dálvi lea otnon maiddái Bohkás, vaikko dat lea dovddus garra buollašiin.

Erohus lea stuoris go vuodjit Njuorggámis 60 kilomehtera máttás, Ohcejoga Gevvui. Doppe dálvi lea otnon dušše 5 beaivvi.

Gilbbesjávrris dálvebeaivvit leat measta dego ovdalge. Doppe dálvi ii leat otnon 1960–logu rájes go dušše 4 beaivvi.

BáikiDálvvi guhkkodat 1961–1990Dálvvi guhkkodat 1981–2010erohus
Njuorggán196 beaivvi184 beaivvi-12
Bohkká200 beaivvi188 beaivvi-12
Vuohčču197 beaivvi187 beaivvi-10
Gilbbesjávi198 beaivvi194 beaivvi-4

Earenomáš bivvalis dálvi Lappis

Dán dálvvi leat Lappis gártan gállit gassa muohttagis, muhto njunni ii leat beassan galbmot.

Dát dálvi leamašange earenomáš bivval, eandaliige Lappi eanagotti gaska- ja davveosiin, muitala Dálkediehtaga lágádusa meteorologa Ville Siiskonen muitala.

– Lappis leamašan duohta bivval, juobe 5–6 gráđa bivvalat go dábálaččat. Ohcejogas dilli lea binná earálágan, doppe lea leamašan 3–4 gráđa bivvalut go dábálaččat, čilge Siiskonen.

Varrasamosat: Sápmi

Váldoođđasat

Varrasamosat

Muualla Yle.fi:ssä