Sápmi |

Otne ávvudit máilmmi álgoálbmogiid, go lea riikkaidgaskasaš álgoálbmotbeaivi

Bearjadaga 9.8. lea máilmmi álgoálbmogiid beaivi. Beaivi lea vuođđuduvvon jagis 1994.

YK:n logo.
Álgoálbmogiid beaivvi áigge muitet máilbmi máŋggakultuvrralašvuođa, álgoálbmogiid kultuvrraid, ánssuid ja olahusaid.

Riikkaidgaskasaš álgoálbmogiidbeaivvi ulbmilin lea ávvudit álgoálbmogiid, ja dán jagi ávvudit earenoamážit álgoálbmotgielaid Ovttastuvvon našuvnnaid álgoálbmotgiellajagi gudnin. Suomas dát lea sámeleavgga virggálaš leavgabeaivi. Ovttastuvvon našuvnnat soabai beaivvi vuođđudeamis juovlamánus 1994. Manin dakkár beaivi dasto lea vuođđuduvvon?

– Dát beaivi lea vuođđuduvvon dan gudnin, go jagis 1982 lei vuosttaš álgoálbmotbargojoavkku čoahkkin Geneves. Dat lei vuosttaš historjjálaš lávki álgoálbmogiidda beassat virggálaččat oassin Ovttastuvvon našuvnnaid vuogádaga, muitala ON bissovaš foruma ságadoalli Anne Nuorgam.

Ovttastuvvon našuvnnat ordne New Yorkas ávvodoaluid, gos lea ovdamearkka dihtii panelaságastallan álgoálbmotgielain. Dasa lassin maiddái Google ja Microsoft -fitnodagat bohtet muitalit maid sii barget álgoálbmotgielaid buorrin. Sámi leavgga leavgabeaivvit.

Loga eanet fáttás Ovttastuvvon našuvnnaid neahttasiiddus.

Varrasamosat: Sápmi

Váldoođđasat

Varrasamosat

Muualla Yle.fi:ssä