Sápmi |

Ouddooumaž oođeemvaal määnn ǩeeʹjjest – Ođđ ouddooumžest pâi kueʹhtt eeʹjj poodd

Saaʹmi ouddooumažvaalin läittamäiʹǧǧ lij leämman juʹn pâʹjjel eeʹjj mõõnnmen. Ååʹn lij kuuitâǥ seʹlvv, štõ oođeem vaal lie pueʹttmen, da tän rääjj ouddooumaž tuåimid håidd väärrouddooumaž Terhi Harju.

Terhi Harju
Terhi Harju Govva: Ville-Riiko Fofonoff / Yle

Ođđ ouddooumže puätt pâi kueʹhtt eeʹjj poodd. Takai poodd peštt koumm eeʹjj.

– Tõn diõtt ko meeʹst lij juʹn tät laajjäiggsaž suåvtõõzz kåått tuåimai tõn koumm eeʹjj, ni mij leäʹp tummjam, štõ tän vaal mâŋŋa tät ouddoummu podd lij pâi kueʹhtt eeʹjj. Štõ meeʹst lij tõt seämma poodd tõʹst ouddooumžest da sääʹmsuåvtõõʹzzest, maainast vaal-luʹvddkååʹdd saaǥǥjååʹđteei Hanna-Maaria Kiprianoff.

Oođeemvaal ââʹnet pâʹsspeiʹvven čõhččmannu nuʹbb peiʹvven. Vaaʹle lij äiʹǧǧ nellj neäʹttel. Võboršeeʹǩǩin vaalin lie Veikko Feodoroff, Sergei Kp Fofonoff da Tanja Sanila. Da täin vaalin vaʹlljee ouddoummu poʹdde 1.1.2019 – 31.12.2020.

Jiõnstemvuõiggâdvuõtt vaalin lijAanar kååʹddest põõššinalla jälsteei saaʹmin da sij pieʹllkueiʹmin. Vaalââʹntemvuõtt lijmieʹrruum sääʹmlääʹjjest.

Vaali pohttmõš seʹlvvjet čõhččmannu aalǥâst.

– Täälmij vueʹrddep, štõ mäʹhtt tõt vaal mõõn, štõ puätt-a ton mâŋŋa läittmõõžžid, särnnKiprianoff.

Vaal-luʹvddkååʹdd tuävči, štõ pueʹttiääiʹjest säʹmmla vuäitče mainsted da tuʹmmjed aaʹššin siidsåbbrest.

– Tõt vaal ääʹšš da täk ǩiõll ääʹšš tän vaal pirr õõuči leeʹd nåkam ääʹšš, štõ mij mainstep tõin siidsåbbrest ij-ǥa täin lääʹddjânnam jeeʹres nallšem vuõiggâdvuõđin. Štõ tõt lij pâi mij ääʹšš. Da nuʹtt mij tuʹmmjiim, štõ jos ij puätt jerreeš läittmõõžžid ni mij riâššâp tän vaal, särnn Kiprianoff.

Terhi Harju hoiʹddjed sääʹm siidsåbbar aaʹššid tän poʹdde go ođđ ouddooumaž älddad tuejjast

Vaal-luʹvddkååʹdd vaʹlljiiTerhi Harju pâʹzzlâšttam-mannust väärouddooumžen da ååʹn ko Tâʹvv-Lääʹddjânnam vaaldšemvuõiǥâs tuʹmmstõõǥǥlij lääʹjjviõkksaž, suu ođđ tuâjjlij älggam.

– Nåkam miõlin leäm, štõ vuârdam måkam tõt tuâjj lij. Mon jiõm nuʹtt puârast tõn tieʹđ ko jiõm leäkku ouddâl tõid tuejjääm leša aivv pueʹrr miõlin leäm ååʹn, mušttal Harju.

Sääʹmsuåvtõs laaʹvje vaʹlljeed vääʹrrouddooumaž jeeʹres siidâst ko ouddooumaž lij vaʹlljuum.

– Jeeʹres sääʹmsuåvtõõzz vuâʹsla teʹl mäʹhtt-ne juʹrdde, štõ mon leäm tõõzz suåppi. Jiõm mon piijjâm tõõzz vuâsta ko haaʹlee eʹtǩǩeed da vaʹlljeed muu, mušttal Harju.

Kuvddlet Hanna-Maaria Kiprianoff da Terhi Harju mainstâttmuužžid nelljdpeiʹvv Tiõrv! vuõlttõõʹzzest Yle Areenast.

Varrasamosat: Sápmi

Váldoođđasat

Varrasamosat