Sápmi |

Ouddooumažvaali ääʹššest läittamäiʹǧǧ lij poottam – vaal-luʹvddkåʹdd âânn sååbbar koʹst mieʹrree mäʹhtt juäʹtǩǩe

Kolttien luottamusmiesehdokkaat 2014: Veikko Feodoroff (vas.), Tanja Sanila ja Sergei KP Fofonoff.
Govva: Sara Wesslin / Yle

Vaal-luʹvddkåʹdd âânn sååbbar 31.7 maai´baarg da mieʹrree tän mâŋŋa, mäʹhtt ååʹn juäʹtǩǩe ouddooumažvaalin. Sååbbar ääʹlji kõskk peeiʹv ääiʹj. Ääʹššest teâđat sååbbar mâŋŋa mušttal vaarrouddooumaž Terhi Harju.

Saaʹmi ouddooumažvaalin läittamäiʹǧǧ Tâʹvv-Lääʹddjânnam vaaldšemvuõiǥâs tuʹmmstõõǥǥâst 19.6 lij poottam. Tâʹvv-Lääʹddjânnam vaaldšemvuõiǥâs tuʹmmji laʹǧǧsted vaal-luʹvddkååʹdd tuʹmmstõõǥǥid Sanila da Fofonoff vaalââʹntemvuõđâst da Veikko Feodoroff vaʹlljummšest saaʹmi ouddooumžen. Tuʹmmstõõǥǥâst ij leäkku läittam ââʹlmõs vaaldšemvuõiggâdvuõʹtte.

Tän mieʹldd Veikko Feodoroff piijjmõš saaʹmi ouddooumžen 2018-2020 iʹlla teänab lääʹjjviõkksaž.

Mädd- da meäʹcctäällministeria vuämmsab halltõspiisar Jukka Mirvo mušttli Yle Sääʹmme mõõnni neäʹttlest, što sääʹmlääʹjj mieʹldd vääʹrrouddooumaž juätkkai ouddoummažtuâjain. Sää’m suåvtõõzz vaʹlljee tälvva 2018 Terhi Harju väärrouddoummžen. Kuuitâǥ pueʹtti čâhčča ođđ vaal õõuči leeʹd pueʹttmen.

Jukka Mirvo mušttal, što mõõnni eeʹjjest vaʹlljuum vaal-luʹvddkåʹdd valmštââllškuätt vaalid jõs čâhčča ââʹnned saaʹmi ouddooumažvaalid.

– Sij vaʹlljee vaalpeeiʹv, võboršeeʹǩǩ lie seämma da jiõnstemvuõiggâdvuõttneǩ lie seämma, mušttal Mirvo.

Varrasamosat: Sápmi

Váldoođđasat

Varrasamosat