Sápmi |

Oulu universitehta skuvlegoahtá kveana- ja meängielat jorgaleaddjiid

Dáid gielaide eai leat ovdal skuvlen jorgaleaddjiid.

suomen kielen dosentti Niina Kunnas
Govva: Mikko Törmänen

Oulu universitehta ovddidišgoahtá meängiela ja kveanagiela ealáskahttima guvttiin prošeavttain: meängiela ja kveanagielat jorgaleaddjiide fállet vuosttas geardde jorgaleaddjiskuvlema ja meängiela várás ráhkadit vuosttas korpusa, nappo elektrovnnalaš gieladieđalaš ohcanvuođu.

Sámegiela lassin Davviriikkain leat earáge vehádatgielat, maid eai leat meroštallan eamiálbmotgiellan, muhto maid leat dovddastan láhkaásahusas.

– Čielgasit buot áittatvuloš giella lea kveana. Davvi-Norggas oahpahit dan skuvllain ja dan oaidná geaidnogalbbain dáro- ja sámegiela lassin, muhto hállit eai leat go sullii moadde duhát, muitala suomagiela doseanta Niina Kunnas.

Meängielas ja kveanagielas ii leat oktage auktoriserejuvvon jorgaleaddji, gean sáhttá geavahit virggálaš oktavuođain. Jorgaleaddjit leat unnán iige sis leat buohkain jorgaleaddjiskuvlejupmi.

Dili geahččalit buoridit jagis 2021 jorgaleaddjiskuvlejumiin.

Doseanta Niina Kunnas jođiha maid prošeavtta, mas buvttadit maid vuosttas meängiela korpusa, nappo elektrovnnalaš gieladieđalaš ohcanvuođu. Gárvves korpus boahtá Giellabáŋkui dutkiid friija adnui.

Kveanagiela hállet olbmot, geaid davvisuopmelaš máttut fárrejedje 1700-logus Norgii. Meängiela fas hállet Durdnosleagis.

Varrasamosat: Sápmi

Váldoođđasat

Varrasamosat

Muualla Yle.fi:ssä