Sápmi |

Oulus álgá čakčat suoma-sámegielluohkká, jus ožžot guhtta máná čoahkkái – "Buorre, ahte gávpot čuovvu áiggi"

Oahpahus lea 1.–2. luohkáide ja pilohtta dáhkida guovttegielat oahpahusa goit jahkái 2025.

Myös saamenkielisiä oppimateriaaleja työstetään digitaaliseen muotoon.
Oahpahusas njealjádas lea davvisámegillii. Govva: Sara Wesslin / Yle

Oulus álggahit guovttegielat suoma-sámegielluohká čakčat 2020, jus oahpahussii almmuhuvvo guhtta oahppi. Oahpahus lea 1.–2. luohkáide.

Oahpahusas unnimustá njealjádas lea davvisámegillii. Sámegiella ii dárbbaš leat máná eatnigiella. Luohkká boahtá leat Knuutilankangas váldoskuvllas dahje dan Lämsänjärvi doaibmabáikkis.

Almmuheapmi Oulu suoma-sámegielluohkkái nohká 31.1.2020.

Oahpahus lea pilohtta, man geahččalit jagi 2025 rádjái. Nuba mánát ožžot guovttegielat oahpahusa aŋkke vihtta oahppojahkái.

Áhčči: "Oulu ii leat bázahallan Helssegis"

Oululaš áhčči Sierge Rasmus, guhte gullá maid Oulu Sámit -searvái, illuda áššis.

Álgga áššis lea dahkkon guokte jagi dassá, nuba dieđu luohká álggaheamis leat šaddan vuordit Rasmus mielas oalle guhká. Son lea goit duđavaš dasa, ahte gávpotstivrras leat váldán álgaga duođas.

Sierge Rasmus
Sierge Rasmusa mielas lea dehálaš, ahte Oulu gávpoga ovddasteaddjit leamašan miehtemielalaččat suoma-sámeluohká álggaheami ektui. Govva: Linda Tammela / Yle

– Somá, ahte gávpoga ovddasteaddjit leat leamaš miehtemielalaččat. Dat lea buorre, ahte gávpot čuovvu áiggi. Dál Oulu ii leat bázahallan Helssegis sámeoahpahusa ektui, lohká Rasmus.

Álgaga dahkki sáhttá leat duđavaš

Oulu gávpotstivrra áirras Jaana Isohätälä (ruonát) dagai álgaga áššis vuosttažettiin guokte jagi dassá. Dál son sáhttá leat duđavaš barggu bohtosiidda.

Jaana Isohätälä, kaupunginvaltuutettu Oulu
Oulu gávpotstivrra áirras Jaana Isohätälä lea dál duđavaš, go su álgaga mielde leat šaddan buorit bohtosat. Govva: Linda Tammela / Yle

– Lean hui ilus, ahte davvisámegielat oahpahusa álgin lea duođaid vejolaš Oulus. Earenoamáš giitevaš lean das, ahte olles čuvgehus- ja kulturlávdegoddi doarjjui álgaga ja ášši ovdánii maid gávpotstivrra bušeahttagieđahallamis, lohká Isohätälä.

Isohätälä rábmo Oulu sámiid, geat leat rahčan dan ovdii, ahte mánáin livčče vejolašvuohta bajásšaddat guovttegielagin. Son vel lasiha, ahte sámegielaid dilli lea olu gitta das, makkár vejolašvuođat giela oahppamii leat.

– Lea dehálaš ordnet oahpahusa earenoamážit stuorát sámiid ássanbáikkiin, gos oahpahus olaha olu sámemánáid. Dákkár ássanbáikkit eai leat dušše sámeguovllus, muhto maiddái gávpogiin degomat Oulus, son smiehtada.

Varrasamosat: Sápmi

Váldoođđasat

Varrasamosat

Muualla Yle.fi:ssä