Sápmi |

Outi Paadar álggaha Yle Sámi Ohcejoga doaimmaheaddjin

Paadar sávvá, ahte ohcejohkalaččat bohtet háleštit suinna ja muitalit, makkár áššiid hálidit gullat.

Outi Paadar
Ohcejohkalaš Outi Paadar bargagoahtá Yle Sámi reporttarin ja radiosáddagiid lágideaddjin.

Ohcejohkalaš Outi Paadar álggaha Yle Sámi Ohcejoga doaimmaheaddjin.

Paadar lea bargan árat earret eará sámegielat jorgaleaddjin, Lapin Kansa -aviissa sámegielat doaimmaheaddjin, Sámedikki giellaáššiid čállin, Sámi allaskuvlla diehtojuohkinkonsuleantan ja Sámi oahpahusguovddážis davviriikkalaš prošeavttain. Paadar leamaš aktiivvalaš maiddái servodatáššiin, son lea earret eará doaibman Sámiráđi lahttun ja jođihan Roavvenjárgga sámiid Mii-searvvi.

Paadar bargagoahtá Yle Sámi reporttarin ja radiosáddagiid lágideaddjin. Su jiena beassá gullat earret eará Yle Sámi iđitsáddagiin.

Ođđa doaimmaheaddjis lea sávaldat ohcejohkalaččaide.

– Sávan, ahte olbmot bohtet háleštit muinna ja muitalit, makkár áššiid sii hálidit gullat. Buresboahttin fitnat doaimmahusas!

Outi Paadar bargá Yle Sámi Ohcejoga doaimmahusas guovdu márkana. Sutnje sáhttá váldit oktavuođa šleađgapoasttain outi.paadar@yle.fi ja telefovnnain +358 44 421 1797.

Yle Sámi hoavda Maiju Saijets illuda, go doaimmahus viimmat fidne doaimmaheaddji maiddái Ohcejohkii. Yle Sámis leamaš maŋimuš jagiid bargit fásta dušše Anáris ja Eanodagas.

– Lea hirbmat somá ja dehálaš, ahte mis lea dál doaimmaheaddji Ohcejogas. Jearaldat lea goit áidna gielddas Suomas, gos sápmelaččat leat eanetlohkun. Dáná bastit čalmmustahttit buorebut Ohcejoga olbmuide dehálaš áššiid.

Varrasamosat: Sápmi

Váldoođđasat

Varrasamosat

Muualla Yle.fi:ssä