Säämi |

Pakkâohoh tovâttii pargoid puálukuudijd Anarist – Mattus: Tääl sist lii asto vuoiŋâstiđ já ráhtádâttâđ

Laapi kááijumlágádâs koccee juávkkujođetteijee Reino Mattus muštâl, et ko pakkâookoh láá lappâd, te tääl sii pargo lii kocceeđ, huolâttiđ kálvuduvâid já ráhtádâttâđ puáttee ááigán.

metsäpalo
Aanaar puálukodeh lijjii maaŋgâ peeivi časkâdmin vyevdipyellim Väävlist. Govva: Priváhta

Pakkâohoh pottii já te nuhhii. Maŋgâseh pessii navdâšiđ lieggâ šooŋâin, mutâ puálualmain lijjii pargoh Anarist.

– Vävli kuávlust lâi vyevdipyellim mii tovâttij pargo maaŋgâ piäiván mii puálukuudijd, mutâ talle láá lamaš meid muáddi ucceeb pyellim. Kyevti oho siste lamaš vaarâ suullân vittâ, muštâl Laapi kááijumlágádâs koccee juávkkujođetteijee Reino Mattus.

Mattus muštoot, et taat ij lah kuittâg eenâb ko maid ovdebái iivij lamaš. Väävlist vyevdipyellim aalgij ko aldâgâs čooskij muorân já tot lâi coohâm tobbeen. Talle ko piegâškuođij já šoŋŋâ lieggânškuođij, te talle puállái, čielgee Mattus.

– Já talle vaidâleijee kale láá vuálgám meid tubákkist já tullâsaajeest, iätá Mattus.

Reino Mattus
Reino Mattus muštâl, et Anarist Väävlist vyevdipyellim tovâttij puálukuudijd paargo maaŋgâ piäiván. Govva: Maiju Saijets / Yle

Tääl kuittâg lii čuáskum já tot meid taha puálukuudij pargo älkkeebin.

– Veikkâ meecist já jaavrij alne láá ennuv ulmuuh, te kale mij uážžup uánihis puddii tääl vuoiŋâstiđ.

– Eidu tääl mii pargo lii kocceeđ, huolâttiđ kálvuduvâid já ráhtádâttâđ puáttee ááigán, jis taah paahah val juátkojeh.

Mattus muštoot, et tääl ko lii arvam ige lah innig vyevdipyellimváruttâs vyeimist, te uážžu rähtiđ aarrântuulâ. Sun kuittâg avžuut, et kannat rähtiđ tagarijd soojijd moh láá rahtum tulâstâllâm várás.

Kuldâl maid Reino Mattus muštâl. Jietna: Sáárá Seipiharju / Yle

Kuldâl lase anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä