Säämi |

Pärttihist-uv älgih Maartah toimâđ, lii vuáđudum “Päärtih Martah” servi

Puáris “Partakon koti-já maatalousnaiset”-servi nuuvâi, mut sajân vuáđui uđđâ servi.

Jietna: Päärtih Martah seervi saavâjođetteijee Laila Aikio.
Jietna
Päärtih Martah seervi saavâjođetteijee Laila Aikio.

Martah láá toimâm Suomâst jo ivveest 1899. Talle vuáđudui servi, mon uáiviäššin lâi pyehtiđ tiäđu já ravviđ ulmuid päikkipargoin, omd. čurgiimist já määlistmist.

Tääl vuáđudum uđđâ Päärtih Martah- servi kulloo Lapin Martat pirrâdâhân, mii fast kulloo väldikode Marttaid.

Pärttihist ovdil-uv lamaš siämmáá sullâsâš servi

Pärttihist tooimâi viššâlávt 1990-lovvoost Partakon maa- já kotitalousnaiset-servi. Iivij mield toimâ ucoi já loopâst nuuvâi. Moonnâm ive ko seervij registerijd tärhistii te taan seervi sikkuu registerist meddâl, ko tot ij lam toimâm. Puáris siärván lâi pááccám mottoon euro ruttâ já nuuvtpa Päärtih nisoneh halidii servâđ Marttaid .

Puáris seervi jesâneh mieldi meid taan uđđâ seervist

Eeva Seurujärvi lii ohtâ toin Päärtih nisonijn, kiäh lijjii jo ton puáris seervist mieldi. Tääl sun poođij taan uđđâ Martta-seervi vuáđudemčuákkmân tiettim tet fáárun já peesâi tállán stiivrân.

– Talle tovlehân mij čurgijm oovtâ táálu-uv já mađhâšijm, muštâl Seurujärvi.

Päärtih Martta-seervi vuáđudâm čuákkimviehâ.
Päärtih Martta-seervi vuáđudâm čuákkimviehâ. Govva: Anja Kaarret / Yle

Päärtih Martah seervi stiivrâ saavâjođetteijen váljejui Laila Aikio, väri saavâjođetteijen Anja Kaarret, čällen Miina Seurujärvi já eres stivrâ jesâneh lává, Ritva Tammela já Eeva Seurujärvi.

Lase Marttain puáhtá uiniđ táábbin.

Varrasamosat: Säämi

Váldoođđasat

Varrasamosat

Muualla Yle.fi:ssä