Sápmi |

Pekka Aikio deavdá 70 jagi sotnabeaivve

Sámepolitihkar, filosofiija magisttar ja Oulu universitehta gudnedoavttir Veli Pekka Olavi Aikio lea riegádan 21. čakčamánu 1944 Soađegilis.

Pekka Aikio Ruoná bellodat
Sámedikki ovdalaš ságadoalli Pekka Aikio vuoššá káfe ustibiidda ja oahpásiidda Olkkajärvi gieddeguolbanis lávvardaga čakčamánu 20. beaivve diibmu 14–19. Govva: Lapin vihreät

Sámedikki ovdalaš ságadoalli Pekka Aikio deavdá sotnabeaivve 70 jagi.

Sámepolitihkar, filosofiija magisttar ja Oulu universitehta gudnedoavttir Veli Pekka Olavi Aikio lea riegádan 21. čakčamánu 1944 Soađegilis. Son lei sámedikki vuosttas ságadoalli 1996-2008 ja Sámi parlameantta lahttu 1976-1995. Sámi parlameantta ságadoallin son doaimmai 1980-1981 ja 1988-1996. Pekka Aikio lei maid Sápmelaškomitea váldočállin 1971-1973.

Aikio lea bajásšaddan badjebearrašis ja lea studeren biologiija Oulu universitehtas. Son lea bargan maid Oulu universitehtas Davvi-Suoma dutkanlágádusa dutkin Roavenjárggas jagiid ja Sámi instituhta hoavdan  Guovdageainnus 1993.

Aikio vuoššá káfe ustibiidda ja oahpásiidda Olkkajärvi gieddeguolbanis lávvardaga čakčamánu 20. beaivve diibmu 14–19.

Varrasamosat: Sápmi

Váldoođđasat

Varrasamosat

Muualla Yle.fi:ssä