Sápmi |

Pikalaaki lea Heargegonagas 2016 – "Dán gal in livčče jáhkkán"

Taneli Paso ja su heargi Pikalaaki Pintamo bálgosis leat dán jagáš Heargegonagasat. Nubbin falimusat vahkkoloahpa gilvvuin Anáris ruohtai Esko Ahola heargi Tummanopsa Timisjärvis ja goalmmádin Uula-Petteri Somby heargi Ražán Báišduoddaris. Vuoiti Taneli Paso ii livčče jáhkkán iežas nuorra gilvohearggi vuoitit dán šlája dehálamos gilvvuid.

Video: Taneli Paso

Heargegonagas 2016 lea Taneli Paso oamastan Pikalaaki Pintamos. Dát lea vuosttas Heargegonagasvuohta Pintamo bálgosii. Bohcco vujii Hanna Mikkola.

Taneli Paso, Esko Ahola ja Uula-Petteri Somby.
Taneli Paso (gur.), Esko Ahola ja Uula-Petteri Somby. Govva: Vesa Toppari / Yle
Árbevirolaš heargegonagasgilvvut ordnejuvvojedje mannan vahkkoloahpa Anáris dál jo 64. geardde.

Taneli Paso heargi Pikalaaki Pintamos vuittii gilvvu, nubbin bođii Esko Ahola Tummanopsa Timisjärvis ja goalmmádin Uula-Petteri Somby Ražán Báišduoddaris.

Lávvardaga čielgasit buoremus – sotnabeaivvi nubbin falimus

Heargegonagasgilvvuid boađus vuođđuduvvá guovtti gilvobeaivvi oktiirehkenasttojuvvon áiggiide.

Pikalaaki ruohtai lávvardaga ovtta kilomehtera joavkogilvvus čielgasit buoremus áiggi, 1:13,658.

Sotnabeaivvi finálas, guovtti kilomehtera oktovuodjimis Pikalaaki ruohtai nubbin buoremus áiggi, 2:28,213, go Báišduoddara Uula-Petteri Somby oamastan Ražán lei beaivvi falimus áiggiin 2:27,834.

Paso ii livčče jáhkkán nuorra gilvohearggi vuoitit

Pikalaaki, Taneli Paso ja Hanna Mikkola.
Pikalaaki birra Kari Timonen, oamasteaddji Taneli Paso, vuoddji Hanna Mikkola ja hárjeheaddji Toivo Ervasti. Govva: Inger-Elle Suoninen / Yle
Taneli Paso ii lean máhttán vuordit vuoittu. Pikalaaki lea nuorra gilvoheargi ja vaikko ruohtaige lávvardaga erenomáš buori áiggi, ii bohccuin goasse dieđe, Paso fuopmášahttá.

– Dál gal eai sánit reahkká. In lean máhttán vuordit dán vuoittu. Pikalaakiin ii leat vuos nu ollu vuddjon, ja ealliinhan ii goasse dieđe, maid dat dál hutket.

– Muhto dánhan dat buohkat hálidit ja vulget viežžat, Gonagasvuođa. Dán šlájas geasuha juste dat, ahte goasse ii dieđe mii dáhpáhuvvá. Mii fal sáhtta geavvat, Paso kommenterii sotnabeaivve vuoittu maŋŋá.

Heargegonagasgilvvu 2016 loahpalaš bohtosat

  1. Pikalaaki, Paso Taneli, Hanna Mikkola, Pintamo
  2. Tummanopsa, Ahola Esko, Marko Tervaniemi, Timisjärvi
  3. Ražán, Somby Uula-Petteri, Uula-Petteri Somby, Báišduottar
  4. Ryökäle, Ylitalo Jaana, Janne Alatalo, Pintamo
  5. Pisama, Hiukka Tero, Seija Matero, Palojärvi
  6. Seahkojuolgi, Näkkäläjärvi Rauni, Seija Matero, Sállevárri
  7. Ote, Kyrönniemi Jouni, Eero Päkkilä, Kiiminki-Kollaja
  8. Tuuma, Seppänen Hanna-Mari, Marko Kilpivaara, Pintamo
  9. Mellakka, Krupula Hannu, Marko Tervaniemi, Isosydänmaa
  10. Tusina, Seppänen Paavo, Marko Kilpivaara, Pintamo
  11. Nigga, Länsman Eveliina, Uula-Petteri Somby, Gálddoaivi
  12. Aurora, Länsman Joona, Mika Länsman, Gálddoaivi
  13. Tumma, Orre Sirpa, Seija Matero, Timisjärvi
  14. Sätky, Holster Esa, Seija Matero, Lohijärvi
  15. Gamu, Aikio Paulus, Elen Anne Sara, Sállevárri
  16. TR-Muzet, Somby Uula-Petteri, Uula-Petteri Somby, Báišduottar
  17. Hymypoika, Krupula / Petäjäjärvi, Marko Tervaniemi, Isosydänmaa
  18. Sitko, Team Tölkki, Jaakko Lahdenperä, Kiiminki-Kollaja
  19. KTM, Timoset, Uula-Petteri Somby, Pintamo
  20. Diili, Team Tölkki, Jaakko Lahdenperä, Kiiminki-Kollaja
  21. Jeti, Tuomivaara Airi, Jani Ruokamo, Posion Livo
  22. Singeri, Satokangas Aslak, Seija Matero, Sállevárri
  23. AHA, Hiukka Tero, Janne Alatalo, Palojärvi
  24. Mykkä, Kyrönniemi Juha, Jaakko Lahdenperä, Kiiminki-Kollaja

Herggiid Gonagasvuođas gilvalit jahkásaččat giđa PoroCup-oassegilvvuin eanemus čuoggáid fidnen 24 bohcco.

Gonagasgilvvuid Gonagasluohká, báhkka luohká, rabas luohká ja junioriid luohká buot bohtosiid sáhttá lohkat dáppe.

Varrasamosat: Sápmi

Váldoođđasat

Varrasamosat

Muualla Yle.fi:ssä