Koe uusi yle.fi
Sápmi |

Pintamo bálgosa Tälli vuittii njealját Heargecup-oassegilvvu – Pikalaaki bázii nubbin

Suoma Heargecup-gilvvut joatkašuvve mannan vahkuloahpas Luostos. Dán háve báhkka luohká falimus lei Jaakko Seppänen heargi Tälli Pintamo bálgosis.

Heargegilvvut
Govva Luosto heargegilvvuin jagis 2015. Govva: Vesa Toppari / Yle

Heargecup njealját oassegilvvu báhkka luohká vuoiti lei Jaakko Seppänen heargi Tälli Pintamo bálgosis. Nubbin ruohtai dán gilvobaji násti Taneli Paso heargi Pikalaaki, mii lea vuoitán ovddeš oassegilvvuid dán jagi. Goalmmádin bođii Jouni Kyrönniemi heargi Ote Kiiminki-Kollaja bálgosis.

Sámi herggiin falimus báhkka luohkás lei Rauni Näkkäläjärvi heargi Tulimus Sállevári bálgosis, dat ruohtai viđádin.

Rabas luohká falimus Sámi heargi ruohtai viđadin

Rabas luohká vuittii Lyydiä Kynkäänniemi heargi Karvakamu Kiiminki-Kollaja bálgosis. Nubbin ruohtai Matti Konttaniemi heargi Nili Palojärvi bálgosis, ja goalmmádin Jaakko Lahdenperä heargi Laku Kiiminki-Kollaja bálgosis.

Sámi herggiin falimus rabas luohkás lei Niilo Länsman heargi Silver Gálddoaivvi bálgosis, dat lei viđát.

Dárkilut bohtosiid sáhttá lohkat dáppe.

Maŋimus oassegilvvut ovdal Anára gonagasgilvvuid ordnejuvvojit boahtte vahkuloahpas Ranuas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä