Säämi |

Pivnohis širottâsmuorâ ceggânij meid Anarân – "Lii tehálâš, et ij taarbâš poollâđ raati tyehin"

Algâ aalgâst Seinäjokilâš irâtteijee jurdust pirrâ Suomâ levânâm širottâsmuorâ ceggânij Sáámán-uv.

Jietna: Suvi King já širottâs
Jietna
Jietna: Areena. Kove: Mikkâl Morottaja / Yle

Masa love sijdâulmud láá čokkânâm pasepeeivi čiŋâttâllâđ juovlâmuorâid Aanaar markkânist. Taan ive ohtâ muorâin finnee čiŋŋân tuše širottâsâid.

Sijdâaktiivlâš Suvi King puáhtá muáddi širottâs muorân, mut ohtâ hoksáá, et sust ij lahkin alnees širottâs. Sun väljee muorâst mottoom eres širottâs já kiddee tom takkisis.

– Teehin puáhtá juáháš talle pyehtiđ meiddei lase já uážžu väldiđ meiddei, jis ij lah vala. Nuuvtko must ij lamaš, ko poottim teehin. Kolgim väldiđ oovtâ maasâd, Suvi povvâst.

Juurdâ levânij Maadâ-Suomâst Sáámán

Anarist cokkiitteh ain juovlâi ääigi jieŋâlihtâid markkânân, mut taan tove halidij čiŋâdâttâm lasseen meid pyerediđ kiäinutorvolâšvuođâ-uv.

Algâ aalgâst Seinäjokilâš irâtteijee jurdust pirrâ Suomâ levânâm širottâsmuorâ ceggânij Sáámán-uv. Puohah uážžuh skeŋkkiđ širottâsâid muorân já väldiđ taggaar, jis alnees ij lah. Falâldâh lii uáivildum nuuvt páihálijd ko turistijd. Muorâ paaldâst láá val ravâkoolbah suomâ-, eŋgâlâš- já sämikielân.

Aanaar markkan širottâmuorâst láá ravvuuh maaŋgâ kieláin.
Širottâsmuorâ paaldâst láá ravvuuh maaŋgâ kielân. Govva: Mikkal Morottaja / Yle

Suvi King lii kuullâm, et motomeh turisteh iä haalijd väldiđ, jis sijjân lii njuolgist fallum.

– Fertteepa uáiniđ maht toh turisteh talle hoksájeh, mutâ tuáivu mield aainâs-uv páiháliih ulmuuh. Lii tiäđust-uv hirmâd tehálâš, et ij taarbâš poollâđ tobbeen auto raati tyehin.

Aanaar širottâsmuorâ čiŋâdâttâm
Anarist čiŋâtteh juovlâmuorâid. Ohtâ čiŋâttui širottâsâin. Govva: Mikkal Morottaja / Yle

Varrasamosat: Säämi

Váldoođđasat

Varrasamosat