Sápmi |

Poutiainen ávvudii gávtteláganis

33-jahkásaš Tanja Poutiainen gilvališgođii máilmmicuppain jagis 1997 ja lea vuoitán 11 oassegilvvu. Su eará váldooláhusat leat golbma World Cup -vuoittu, olympiasilbamedálja Torinos sihke guokte silbba ja guokte bronssa máilmmimeašttirgilvvuin.

Tanja Poutiainen heiluttaa lapinpuvussa.
Tanja Poutiainena gávttilágan bohciidii iešguđetlágan reakšuvnnaid earet eará Norgga beale sámiin sosiála medias. Govva: EPA / Barbara Gindl

Čierastalli Tanja Poutiainen gilvalii maŋimuš háve mannan sotnabeaivve Šveica Lenzerheide stuorračierastallangilvvus. Poutiainen lea okta Suoma stuorámus čierastallannásttiin.

33-jahkášas Poutiainen lea eret Roavenjárggas. Son gilvališgođii máilmmicuppain jagis 1997 ja lea vuoitán 11 oassegilvvu.

Poutiainen eará váldooláhusat leat golbma World Cup -vuoittu: slalomas jagis 2005 sihke stuorraslalomas jagiin 2005 ja 2009. Sus lea silbamedálja Torino olympiagilvvuin jagis 2006 sihke guokte silbba ja guokte bronssa máilmmimeašttirgilvvuin.

Ávvudii gávttelágan badjelis

Maŋimuš gilvočierastallama maŋŋá Tanja Poutiainena irgi Vesa Rinne ja managera Martti Uusitalo gárvvoheigga Poutiainena gávttilágan biktasiin, Ilta-Sanomat -áviisa čállá.

Dan maŋŋá Poutiainen doamihii giitit gehččiid.

- Mun návddašan juohke bottus. Lei hui fiinnis čierastit molii, go doppe lei iežas tiima ja ustibat váldimin vuostá, Poutiainen muitalii Yle jearahallamis.

Poutiainen bargá vel giđa čierastallamiin, muhto miessemánus son beassá vuoiŋŋastit ja plánet jo ođđa áššiid.

Iešguđetlágan Twitter-reakšuvnnat

Álbmogiidgaskasaš čierastallanlihttu FIS Alpine postii Twitterii gova Poutiainenis gávtteláganis. Govvii sáhttá gii beare kommenteret almmolaččat.

Muhtin Norgga ja Suoma beale sámit reagerejedje johtilit Poutiainena gávttelágan biktasiii. Sii jerre earet eará mii dát bivttas lea ja čálle, ahte Poutiainen galggašii heahpanit, go lea gárvodan romis fakesámegáktái.

Muhtin eará fas čálii Twitteris, ahte son lea sápmelaš, muhto son ii beroš, dahje su ii Poutiainena gávttelágan hehtte.

Varrasamosat: Sápmi

Váldoođđasat

Varrasamosat

Muualla Yle.fi:ssä