Sápmi |

Presideantta mieđihan ánsomedáljat juhkkojuvvojit iehčanasvuođabeaivve – ánsoruossa Yle Sámi guhkesáigásaš doaimmaheaddjái

Yle Sámi guhkesáigásaš doaimmaheaddji Kaisa Aikio oažžu dán jagi Suoma Vilges Ruvssu ánsoruossa.

Yle Ođđasat, Kaisa Aikio
Kaisa Aikio dovdat miehtá Suoma Yle Ođđasiid ođaslohkkin. Son lea bargan Yle doaimmaheaddjin máŋgalot jagi. Govva: Vesa Toppari / Yle

Dásseválddi presideanta, Suoma Vilges Ruvssu ja Suoma Ledjoniid riddárgottiid stuorrameašttir, leat fas mieđihan ánsomearkkaid Suoma riikkavuložiidda, geat leat daid ánssášan. Maid sámeguovllus ožžot dán jagi ánsomearkkaid.

Yle Sámi guhkesáigásaš doaimmaheaddji Kaisa Aikio lea okta dain, guhte oažžu Suoma Vilges Ruvssu (SVR Ar) ánsoruossa.

– Galhan dat dieđusge ligge ahte guhkes bargokarrieara fuopmášuvvo, muhto mun in eisige vel leat heaitimin barggus, muitala Aikio.

Sámeguovllus ánsoruossaid ožžot maid dát olbmot:

Suoma Vilges Ruvssu ánsoruossa (SVR Ar) oažžu Kaisa Aikio lassin logahaga ja badjedási rektor Ulla Hynönen Anáris.

Suoma Ledjona ánsoruossa oažžuba girjerádjodoaimma hoavda Eija Leivo Anáris ja beaivválaš jođiheaddji Hannu Alenius Anáris.

Suoma Vilges Ruvssu I luohká medálja golleruossain oažžuba (SVR M I kr) dutkamušassisteanta Sari Maarit Siitari Anáris ja plánejeaddji Aini Magga Soađegilis.

Suoma Vilges Ruvssu I luohká medálja oažžuba doaimmahatčálli Ritva Jomppanen Anáris ja lohpečálli Ulla Soininkallio Anáris.

Suoma Vilges Ruvssu I luohká medálja (SVR M I) oažžu duollár Aune Birgitta Wesslin Anáris.

Suoma Ledjona riddármearkka oažžu (SL R) oažžu filbmakomissára Liisa Holmberg Roavvenjárggas.

Buot ánsomearkkaid oažžut gávdnojit riddárgottiid neahttasiidduin.

Lasihuvvon 3.12.2020 diibmu 12.01 Liisa Holmberg Suoma Ledjona riddármearkka oažžun.

Varrasamosat: Sápmi

Váldoođđasat

Varrasamosat

Muualla Yle.fi:ssä