Sápmi |

Pride-leavga libarda Guovdageainnus – Sápmi Pride -panela streamejuvvo

Sápmi Pride -leavga libarda Guovdageainnu Thon-hotealla šiljus mearkan das, ahte historjjá goalmmát Sápmi Pride -dáhpáhus lea álgán. Bearjadaga panelaságastallan Sámi homoseksuálaid birra streamejuvvo.

Sápmi Pride Guovdageainnus 2016
Thon-hotealla ja Diehtosiida leat Guovdageainnu Sápmi Pride váldodáhpáhusbáikkit. Govva: Martta Alajärvi / Yle

Historjjá goalmmát Sápmi Pride lágiduvvo dán vahkoloahpa Guovdageainnus.

NRK Sápmi sádde njuolggoneahttasáttan panelaságastallama bearjadaga.

NRK streame panela

Panela bajilčála lea Mo sáhttá min servodat láhččit buoret dili Sámi bonjuide? ja dat álgá diibmu 20.00 Norgga áigge.

Sápmi Pride 2016
Govva: Martta Alajärvi / Yle
Ságastallamin leat Norgga Sámedikki presideanta Aili Keskitalo, stuorradiggeáirras Helga Pedersen, Guovdageainnu suohkana sátnejođiheaddji Johan Vasara ja neavttár Svein Henriksen.

Stream sáddejuvvo NRK Sámi siidduin.

Čuovo sosiála medias

Sápmi Pride bistá sotnabeaivve rádjai ja prográmmas leat earret eará ráidovázzin Guovdageainnu márkanis ja ođđa bonjusámi organisašuvnna vuođđudančoahkkin sihke iešguđetlágan kulturdoalut.

Yle Sápmi čuovvu Sápmi Pride -dahpáhusa sosiála mediain fáddágilkoriin #ylepride.

Yle Sámi Snapchat-konto gávdno namain ylesapmi.

NRK Sápmi: Kommentára: Bassi čállagis várra sáhttá maiddái doarjaga ohcat bonju sámiide  

Varrasamosat: Sápmi

Váldoođđasat

Varrasamosat

Muualla Yle.fi:ssä