Säämi |

Puáttee čoovčâ algâtteh 14 uđđâ uápped luuhâđ anarâškielâ – uápuin mieldi meid häppilis ollâopâttuv uáppeeh

Säämi máttááttâskuávdáá anarâškielâ máttáátteijen máccá čohčuv Iiris Mäenpää.

Iiris Mäenpää ooppâtmin SMK uáppeid kiđđuv 2018 Anarist.
Iiris Mäenpää ooppâtmin SMK uáppeid kiđđuv 2018 Anarist. Govva: Anja Kaarret / Yle

Säämi máttááttâskuávdáá anarâškielâ uápuh láá puáttee täälvi váhá eresmuđusiih ko táássáš.

Puáttee čoovčâ algâtteh 14 uđđâ uápped luuhâđ anarâškielâ Anarist ubâpiäiválávt. SMK uáppei lasseen mieldi puátih Giellagas-instituut Häppilis ollâopâttâh -haavâ uáppeeh. Čohčâ álgá nuuvt, et puoh uáppeeh láá oovtâst.

– Čohčâ lii-uv hirmâd čovgâd kielâuápui tááhust, puohah loheh ennuv kielâ, muštâl máttáátteijee Iiris Mäenpää.

Iiris Mäenpää máccá čohčuv anarâškielâ máttáátteijen. Sun lii taan täälvi máttááttâm Aanaar vuáđuškoovlâst. Mäenpää lâi oovdeb ive 2017–2018 vuosmuu keerdi máttáátmin SMKst vuorâsulmuid anarâškielâ.

juomus
Taan täälvi juoigâstemkuursâ máttáátteijen lâi Veikko Aikio. Govva: Anja Kaarret / Yle

Tárguttâssân lii čohčuv luuhâđ siämmáá veerdi kielâuápuid, ko moh ollâopâttuv vuáđu-uápuh láá. Kiđđuv juávkku talle juáhhoo.

Giellagas uáppeeh loheh ollâopâttuv amnâsuápuid. SMK uáppeeh loheh kulttuuruápuid eenâb. Sii uážžuh valjiđ, maid halijdeh luuhâđ. Kuálástemuápuh láá kuittâg uáivildum puohháid.

Máttáátteijee sáttá uážžuđ skippáár, kiäin savâstâllâđ máttátmist

Máttáátteijee tááhust pyeri peeli puáttee täälvist lii, et sun ij lah ohtuu. Giellagas-instituut lii ohtsâšpargen, te meid sist puátih máttáátteijeeh aainâs-uv mottoom ááigán Anarân.

– Must sáttá leđe meid kollega motomin, nuuvt et sáátám peessâđ savâstâllâđ, et maht taan já taan ääši kolgâččij máttááttiđ, illood Iiris Mäenpää.

Kuldâl Iiris Mäenpää sahhiittâllâm täst.

Varrasamosat: Säämi

Váldoođđasat

Varrasamosat

Muualla Yle.fi:ssä