Säämi |

Puškoi vihelem lii kuálástemvyehi mon hárvi innig máttá – keejâ já kuldâl maggaar tot lii

Tovle vihelii syeinimáánust, ko talle puškoid lii älkkee suoinâlmijn uážžuđ, iäge eres kyeleh liihâd.

Video: hauki

Vihelem lii anarâšâi toovláš kuálástemvyehi. Vihâluhčâm tábáhtui távjá eidu syeinimáánust, pakkâ peeivijn, ko puškoh láá nááđđum suoinâlmijd já eres kyeleh lihâdeh hyeneht.

Onnáá peeivi härvi innig pivdá puškoid tain vuovijn. Päärtihlâš Eeva Seurujärvi lii miäštár taan hommáást, veik tast lii-uv jo paijeel 50 ihheed äigi ko majemustáá náávt piivdij puškoid.

– Jiem määti ettâđ, manen taat hommá lii lappum, mut muštám ko sii ákku laavij ain ettâđ Onnijn, sii viljáin, et tääl vyelgeen viheliđ, muštâl Seurujärvi.

Eeva Seurujärvi
Eeva Seurujärvi suáppu puškoviermi suoinâlm roobdân. Govva: Anja Kaarret / Yle

Vihelem tápáhtuvvoo nuuvt, et viermi suáppu suonâlm roobdân já talle vuálgá paldeđ puškoid suoinâlmist meddâl. Suorgânâm puškoh vyejih njuolgist viärmán.

kalaruoka
Vuoččum sälttipuško. Govva: Anja Kaarret / Yle

Salttii čuállejum puško puurrâmsááltán já vuošâ itten tost potásijkin tommit kuhháá, et potáseh timáneh, nyevt kyehtlovvittâ miinut. Puurâ tállán já piejâ vuojâ kastikgin.

– Sälttipuško puáhtá meid steikkiđ paistpáánust, muštâl Seurujärvi.

Jietna: Anja Kaarret / Yle

Varrasamosat: Säämi

Váldoođđasat

Varrasamosat

Muualla Yle.fi:ssä