Sápmi |

Ráđđehus evttoha 2,5 miljon euro lasáhusa spiriid bohccuide dagahan vahágiid buhtadusaide

Boazovahágiid meari árvalit dán jagi loktat measta 11 miljon euroi.

Poroerotus
Spiriid dagahan vahágiin eanaš, sullii 90 proseantta, čuohcá boazodollui. Arkiivagovva. Govva: Vesa Toppari / Yle

Suoma ráđđehusa bušeahttaárvalusas evttohit spiriid bohccuide dagahan vahágiid buhtadusaide 2,5 miljon euro lasáhusa. Geatki lea dagahan dán jagi eanet vahágiid go ovddit jagiin. Boazovahágiid meari árvalit loktat measta 11 miljon euroi, mii lea masá njeallje miljon euro eanet go diibmá.

Buhtadusaide livčče ráđđehusa evttohusa mielde geavahusas oktiibuot 10 miljon euro, mii lea Eurohpa uniovnna meroštallan boazovahátbuhtadusaid eanemusmearri.

Áššis muitalii vuosttamužžan Lapin Kansa -aviisa.

Spiriid dagahan vahágiin eanaš, sullii 90 proseantta, čuohcá boazodollui. Jagis 2019 spiriid dagahan vahágat ledje 6,9 miljovnna euro. Boazodoalu olggobealde spirevahágat ledje sullii 0,6 miljovnna euro.

Buohkanassii spiret dagahedje jagis 2019 sullii 7,5 miljovnna euro vahágiid. Vahágat ledje vehá uhcibut go jagis 2018, dalle spiret dagahedje sullii 7,7 miljovnna euro vahágiid gilvvašattuide, ealliide ja olbmuid opmodahkii.

Varrasamosat: Sápmi

Váldoođđasat

Varrasamosat

Muualla Yle.fi:ssä