Sápmi |

Ráđđehus gopmáneamen – Sipilä ja Orpo: Eai leat eavttut ovttasbargui vuođđosuopmelaččain

Guovddášbellodaga ja olgešbellodat Kokoomusa ságadoallit almmuheigga Twihtteris, ahte sis ii leat vejolašvuohta ovttasbargui Jussi Halla-aho jođihan vuođđosuopmelaččain.

Petteri Orpo ja Juha Sipilä
Petteri Orpo ja Juha Sipilä Govva: Jarno Kuusinen / AOP

Guovddášbellodaga, olgešbellodat Kokoomus ja Vuođđosuopmelaččaid ráđđehus lea gopmáneamen.

Stáhtaministtar Juha Sipilä (guovd.) ja ruhtaministtar Petteri Orpo (kok. muitaleaba Twihtteris, ahte áigot evttohit iežaset bellodagaid riikkabeaijoavkkuide, ahte ovttasbargu vuođđosuopmelaččaiguin ii joatkašuva.

– Ságastallamat leat gevvon. Oktasaš evttohus guovddášbellodaga ja olgešbellodaga riikkabeaijoavkkuide: eai leat eavttut joatkit ovttasbarggu Halla-aho jođihan Vuođđosuopmelaččat-bellodagain, čálliba Sipilä ja Orpo seammalágan tvihttas.

Buot golmma ráđđehusbellodaga ságadoallit leat otne vuossárgga čoahkkanan stáhtaministtara virgedállui ságastallat ráđđehusovttasbarggu joatkašuvvamis.

Gažaldat ovttasbarggu joatkimis šattai áigeguovdilis ášši, go Jussi Halla-aho válljejuvvui lávvardaga vuođđosuopmelaččaid ságadoallin.

Halla-aho mielde guovddášáššin beaivvi ságastallamis loktanii sisafárrenpolitihka čavgen.

Sipilä lea lohpidan dieđihit áššis dieđihandilálašvuođas Kesärantas diibmu 17.

Yle čuovvu ášši

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä