Sápmi |

Ráhkkan dánsut olles ija – dá lea Sámi geasi festiválakaleanddar!

Yle Sápmi lea vuot čohkken geasi festiválaid ja dáhpáhusaid ovtta artihkkalii. Dán artihkkalis gávnnat miellagiddevaš dáhpáhusaid miehta viiddes sámeguovllu, beroškeahttá riikkarájiin. Máŋggain festiválain johtán Arla Magga muitalá maid ávžžuhusaidis geasi buoremus doaluide!

ijahis idja, ijahis idja 2016
Govva: Jonne Järvinen / Yle Sápmi

Lea jalahas ja idjabeaivváš goardá. Eanan boŋku musihka ritmmas. Dakkár geasseijat Sámis orrot jáhkemeahttumat, vaikke livččege daid ovdal vásihan. Dat áigi lahkona fas – sámi festiválageassi!

Dát kaleanddar beaiváduvvo dađi mielde, go festiválat almmustahttet prográimmaideaset dahje ođđa doaluid áigetávvalat muitaluvvojit. Jus listtus váilo juoga, almmut dan áinnas šleađgaboasttain čujuhussii linda.tammela@yle.fi.

Sámi geassefestiválat 2019

"Go vuolgá guhkkelebbui de áinnas páhkket mielde buot vejolačča. Dieđus márkaniin maid sáhttá oastit dan man vajálduhtii ruoktot dahje festiválii manadettiin bisánastit gávppiin. Na boaldenmuoraid ii dárbbaš dukset biilii, daid sáhttá oastit festiválas. Muhto muđui tealttá dahje lávu, gávtti, goikebierggu, káffepánno..."
Arla Magga

12.–16.6Midnight Sun Film FestivalSoađegilli, SuopmaEalligovat iđidis gitta maŋŋit eahkedii
5.–7.7
BeskánLuossaRockPeđargávva, Beskenjárga, Norga
Sančuari, Kajsa Balto, Ivan Buljo
6.7.Ohcejoga luossariemutBusteldearbmi, Ohcejohka, Suopma

Deanu 38. luossagonagasvuohta! Seammás go Deanu alde gilvalit gonagasvuođas, beassá Busteldearpmis geahččat ee. teahterbihtá.

"Ávžžuhan olbmuid vuolgit Márkomennui, danin go doppe lea musihka lassin erenomáš sámevuoigŋa ja dieđus maid fiinna gohttensadji, gos deaivvada álo sihke oahpes ja ođđa festiválaáŋgiruššiiguin."
– Arla Magga

ijahis idja, festivála, festiválageassi
Arla Magga ustibiiddisguin vuolgimin Ijahis Idja -festiválii mannan gease. Govas Arla Magga (gur.), Reetta Tornensis, Solja Magga ja Petra Laiti. Govva: Priváhta

10.–14.7.
Riddu RiđđuOlmmáivággi, NorgaBuffy Sainte-Marie, Tanya Tagaq, Maxida Märak, Mio Negga, Hildá Länsman, Alexia Galloway-Alainga, Slincraze, Jeremy Dutcher, Wiyaala ja olu earát!
11.7.MidnattsrockenLakselv, NorgaISÁK, Intrigue, Alan Walker
25.–28.7.
MárkomeannuGállogieddi, NorgaAilu Valle, Article 3, Dj Idja, Mari Boine, ISÁK, Kevin Boine, Ánnásuolu, Kevin Boine

"Lean oassálastán Ijahis Idjii measta juohke háve jagi 2004 rájes, nu ahte hearvás muittut leat čoggon oba olu. Suohttaseamos muittut leat várra jagiin 2008 dahje 2009, goas Ijahis Idja lágiduvvui vel Sámi oahpahusguovddáža šiljus ja festivála maŋŋel báziimet festet lagaš lávvui. Ijahis Ijas deiven maid vuosttaš háve iežan irggi!"
– Arla Magga

Ijahis Idja 2018
Govva: Vesa Toppari / Yle

26.–28.7.
Dansklacken på DosanGárásavvon, Ruoŧa bealdeWahlberg, Labyrint, Sančuari, Trainspotters & Chefen
19.–28.7.
AnárvahkutAnára gielda, SuopmaDievva iešguđetlágan kulturdáhpáhusat miehtá Anára gieldda. Maŋimuš beaivve dollojuvvojit jo árbevierrun šaddán čáhcecrossagilvvut.
16.–17.8.
Ijahis Idja Anár, SuopmaISÁK, Mari Boine

Varrasamosat: Sápmi

Varrasamosat

Muualla Yle.fi:ssä