Sápmi |

RAIPON oažžu joatkit

Ruošša álgoálbmogiid organisašuvdna RAIPON (Russian Association of Indigenous Peoples of the North) lea mannan vahkus ožžon Ruošša vuoigatvuohtaministeriijas lobi joatkit doaibmama. RAIPON:a ovddasteaddji Rodion Sulyandziga čállá rabas reivves, ahte RAIPON lea giitevaš buohkaide doarjagis ja solidaritehtas, man sii leat vásihan maŋimuš mánotbajiid áigge.

RAIPON:a logo Govva: RAIPON

RAIPON:a doaibma lei áitojuvvon skábmamánus, go Ruošša vuoigatvuohtaministeriija mielde RAIPON lei rihkkon lága, go organisašuvnna vuođđudanáššegirjjis eai lean dieđut báikkálaš organisašuvnnaid ja servviid birra.

Dál RAIPON lea ráhkkaneamen Ruošša álgoálbmogiid čihččet konferensii njukčamánu loahpas. Dohko vurdet badjel 600 oassálastti. RAIPON ovddasta Ruošša 41 eamiálbmotčeardda.

Varrasamosat: Sápmi

Váldoođđasat

Varrasamosat

Muualla Yle.fi:ssä