Säämi |

Reima-puásui moovtid párnáid valastâllâđ

Ulmuuh pyehtih viärdádâllâđ, valastâlleh-uv siämmáá ennuv ko Reima-čiermih. Suu sáttá čuávvuđ meid njuolgâ nettikamerast.

Reima-čiermih uálgispeln.
Reima-čiermih kooveest uálgispeln. Govva: Johanna Alatorvinen

Reima-čiermihist lii čevepäädist sensor, mii čuággá mon ennuv tot liihâd. Ulmuuh pyehtih puhelinheiviittâsâin já jieijâs sensoráin viärdádâllâđ liihâd-uv siämmáá ennuv, ko Reima-puásui. Sensor já heiviittâs lii uáivildum párnáid já toos, et tot movtijdičij sij valastâllâđ eenâb.

Poccuu eemeed Johanna Alatorvinen muštâl, et heiviittâs lii tego spellâ, mast finnee čuággáid mon eenâb liihâd.

Reima uáiná älkkeemustáá puurrâmpuudâ ääigi

Reima lii taan kiiđâ čiermih já tom puáhtá čuávvuđ meid internetist. Nettistream puátá njuolgist puásuiääiđist Konišnjaargâst já tom puáhtá čuávvuđ tääbbin. Suu uážžu čuávvuđ aainâs-uv juovlâmáánu räi.

Reima-čiermih
Govva: Johanna Alatorvinen

Alatorvinen muštâl, et tot uáinoo kamerast táválávt talle, ko läävejeh piemmâđ suu. Puásuiäiđi lii styeres ige Reima ennijnis ain oinuu kamera oovdâst ubâ paje.

– Tot uáinoo älkkeemustáá iđedist sehe ehidist, ko lii suu purâdem äigi, Alatorvinen iätá.

Reima-puásui lii ohtâ uási aalmugkoskâsâš Kidventure-kampanjast. Kampanja lává ornim párnáipivtâsvalmâšteijee Reima já Finnpro Visit Finland.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä